"ვფიქრობ, სიმართლის დასადგენად ერთი აგური დაიდო" - რას აცხადებს თამარ ბაჩალიაშვილის დედა შსს-სა და FBI-ის შესაძლო თანამშრომლობაზე?
04-08-2020
"ვფიქრობ, სიმართლის დასადგენად ერთი აგური დაიდო" - რას აცხადებს თამარ ბაჩალიაშვილის დედა შსს-სა და  FBI-ის შესაძლო  თანამშრომლობაზე?
გარდაცვლილი 23 წლის პროგრამისტის, თამარ ბაჩალიაშვილის ოჯახის წევრები ხვალ შინაგან საქმეთა სამინისტროში 11:00 საათზე მივლენ.

როგორც "ინტერპრესნიუსს"თამარ ბაჩალიაშვილის დედამ, თეონა თამაზაშვილმა განუცხადა, საქმეში FBI-ს ჩართვა ოჯახს სიმართლის დადგენაში დაეხმარება.

"შინაგან საქმეთა სამინისტროში შესახვედრად ხვალ,11:00 საათზე მივდივართ, სავარაუდოდ, იმ 5 გამომძიებელთან, რომლებიც უწყებამ გამოყო. ასე ვფიქრობ, სიმართლის დასადგენად ერთი აგური დაიდო. FBI-ს ვენდობი, რასაც დაადგენენ, ყველაფერზე თანახმა ვიქნები“, - განაცხადა თამაზაშვილმა.

ცნობისთვის, საქართველოს შინაგან საქმეთა სამინისტრო თამარ ბაჩალიაშვილის საქმესთან დაკავშირებით ამერიკის
საგამოძიებო ბიუროსთან თანამშრომლობის შესახებ მზადყოფნას გამოთქვამს. აღნიშნული მიზნით, უწყების წარმომადგენლები ხვალ ბაჩალიაშვილის ოჯახის წევრებს შეხვდებიან.

ინფორმაციისთვის, თამარ ბაჩალიაშვილი 18 ივლისს გაუჩინარდა. ახალგაზრდა პროგრამისტი სათვალთვალო კამერებმა ბოლოს თეთრიწყაროს რაიონში დააფიქსირეს. ის 5-დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს.

ბაჩალიაშვილის საქმეზე გამოძიება თავისუფლების უკანონო აღკვეთის
მუხლით დაიწყო, შემდეგ კი ბრალდების კვალიფიკაციას თვითმკვლელობამდე მიყვანის მუხლი დაემატა.

ინფორმაციისთვის, საქართველოს შინაგან საქმეთა სამინისტრო თამარ ბაჩალიაშვილის საქმესთან დაკავშირებით ამერიკის საგამოძიებო ბიუროსთან თანამშრომლობის შესახებ მზადყოფნას გამოთქვამს.

"ინტერპრესნიუსი"

მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით
კორონავირუსის შემთხვევების მატების მიუხედავად ხელისუფლება მკაცრი შეზღუდვების დაწესებას აღარ აპირებს. როგორ აფასებთ მთავრობის ამ გადაწყვეტილებას?
თქვენი აზრი მნიშვნელოვანია!
კორონავირუსის შემთხვევების მატების მიუხედავად ხელისუფლება მკაცრი შეზღუდვების დაწესებას აღარ აპირებს. როგორ აფასებთ მთავრობის ამ გადაწყვეტილებას?