"კაცურად გთხოვ, კაცი ხო ხარ? წავიდეთ სამი კაცი" - ვრცელდება ავთანდილ გალდავასა და თავდამსხმელის მოლაპარაკების ჩანაწერი
"მთავარი" თავდამსხმელისა და სამეგრელო-ზემო სვანეთის პოლიციის უფროსის ავთანდილ გალდავას საუბრის ჩანაწერს აქვეყნებს, რომელიც მათ შორის მოლაპარაკების პროცესს ასახავს.
როგორც ირკვევა, თავდაპირველად მძარცველს სურდა თან 5 მძევალი წაყვაანა, ხოლო ავთანდილ გალდავა მას სთხოვდა, რომ წასულიყვნენ ოთხნი.
თავდამსხმელი - აქ არავინ დაშავდება და თუ დაშავდება, იქნება თქვენი ბრალი
ავთანდილ გალდავა - გავიგეთ, მაგრამ რა იქნება ჩვენი ბრალი, არანაირი ზედმეტი მოქმედება არ იქნება... რამდენი კაცი მიგყავს?
თავდამსხმელი - 5 კაცი ვიქნებით შენიანად.
ავთანდილ გალდავა - 4 წავიდეთ
თავდამსხმელი - არა, არა
ავთანდილ გალდავა - გთხოვ, 5 კაცი რაღაში გინდა გამაგებინე ადამიანო.
თავდამსხმელი - რაც მეტი ვიქნებით, მით უკეთესი.
ავთანდილ გალდავა - გავიგე, მაგრამ ის სამი კაცი ცოტანი ვართ დედას გაფიცებ? გეხვეწები, კაცურად გთხოვ, კაცი ხო ხარ? წავიდეთ სამი კაცი
თავდამსხმელი - დამშვიდდი, დამშვიდდი-მეთქი! არ მინდა შენი აზრები, შენთვის შეინახე
ავთანდილ გალდავა - კარგი, ნუ ყვირიხარ.