"ქმარი ემუქრებოდა, თუ ასე გააკეთებ, შენც მოგკლავ, შენ ძმასაც და დედაშენსაცო" - თელავში მომხდარი მკვლელობის დეტალები
"ქმარი ემუქრებოდა, თუ ასე გააკეთებ, შენც მოგკლავ, შენ ძმასაც და დედაშენსაცო" - თელავში მომხდარი მკვლელობის დეტალები
ფოტო:მკვლელობაში ბრალდებული თომა ბაბისაშვილი
თელავის მუნიციპალიტეტის სოფელ ფშაველში 24 წლის ცოლისძმამ - თომა ბაბისაშვილმა 38 წლის სიძე - დის მეუღლე ზურაბ ბენაშვილი სანადირო თოფით მოკლა. ამ უკანასკნელს ცოლისძმის ნასროლი ტყვია ყელის არეში მოხვდა და რამდენიმე წუთში დაიღუპა. საქმე სისხლის სამართლის კოდექსის 108-ე მუხლით არის აღძრული, რაც 7-დან 15 წლამდე თავისუფლების აღკვეთას  ითვალისწინებს. ამასთან, სოფლის მცხოვრებთა თქმით, ოჯახში, სადაც ტრაგედია მოხდა, ძალადობა წლების განმავლობაში გრძელდებოდა.

ჯული ბარიხაშვილი, სოფელ ფშაველის მკვიდრი: - იქნებ იმხელა ტრაგედიის შემდეგ, რაც
ბაბისაშვილების ოჯახში დატრიალდა, გაჩუმება სჯობს, მაგრამ მთელი სოფელი ძალიან განვიცდით ამ ამბავს, ამიტომაც ჩემი და მთელი სოფლის პოზიცია მინდა, გამოვხატო. სიტუაცია ისეა, რომ მკვლელი, ამავე დროს, მსხვერპლიც არის. საქმე ის არის, რომ თომას მშობლები დიდი ხნის გაცილებულები არიან. თომას დედა სამი შვილით სოფელში დაბრუნდა, იმ
პერიოდიდან კი ოჯახის გაძღოლა მართლაც მშრომელმა და პატიოსანმა თომამ იკისრა. დაახლოებით, 10 წლის წინ თომას ერთადერთი და გათხოვდა, მაგრამ, სამწუხაროდ, ეს  ქორწინება ბედნიერი არ ყოფილა. სულ მალე გაირკვა, რომ გოგონა ბედნიერების ნაცვლად ძალადობაში ცხოვრობდა, მეუღლე განუწყვეტლივ აყენებდა ფიზიკურ და სიტყვიერ შეურაცხყოფას.

- და ამის შემდეგ მაინც მეუღლესთან აგრძელებდა თანაცხოვრებას?

- ამას ცხოვრებას ნამდვილად ვერ დავარქმევ. ბევრჯერ ყოფილა, რომ თომას და ბავშვებით სოფელში დაბრუნებულა, მაგრამ ქმარი უკან მოჰყოლია და მუქარითა და ძალადობით წაუყვანია. ცხადია, თომას სიძე არ უყვარდა და არც დის ოჯახში დადიოდა, რუსთავში. თუმცა რამდენიმე ხნის წინ თომას დედა წავიდა შვილისა და შვილიშვილების სანახავად და სიძემ ისიც ნაცემი გამოუშვა, რამაც ეს ბიჭი კიდევ უფრო გაანერვიულა.

- პოლიციისთვის ეს ამბავი ცნობილი არ იყო? ძალადობა თავისუფლების აღკვეთით ისჯება.
- მაგას დაზუსტებით ვერ გეტყვით. ყველა ნამდვილად ვერ იქნება მამაცი. შესაძლოა, თომას დას ქმრის ეშინოდა და ეს ამბავი პოლიციას იმიტომაც ვერ შეატყობინა. ქმარი ემუქრებოდა, თუ ასე გააკეთებ, შენც მოგკლავ, თომასაც და დედაშენსაცო. მოკლედ, ბოლოს თომამ და ორი შვილით სოფელში ჩამოიყვანა და თავისთან ამყოფებდა. სიძე კი, ცხადია, ისევ მიუვარდა ოჯახში, თანაც - დილაადრიან. ეს იმ დროს დაემთხვა, როდესაც თომა შინ არა იყო. როდესაც სახლში წივილ-კივილი ატყდა და უკან დაბრუნებული ბიჭი ამას შეესწრო, სახლში შევარდა და სიძე გარეთ გამოაგდო. ის კი ეზოს გარეთ, ქუჩაში გაჩერდა და  მთელ ოჯახს სიტყვიერ შეურაცხყოფას აყენებდა. გააფთრებული ემუქრებოდა თომას, შენც მოგკლავ და შენს დასაც ღორივით გამოვჭრი ყელსო. ამას ბავშვები ისმენდნენ და კვლავ კიოდნენ. ისტერიკაში იყვნენ. ამ წიოკში თვალი არავის მოუკრავს, როგორ გამოიტანა თომამ სახლიდან სანადირო თოფი და სიძეს როგორ ესროლა. საუბედუროდ, მას ტყვია ყელში მოხვდა, იქვე დაეცა და წუთების განმავლობაში დაიღუპა. ნამდვილად სამწუხაროა, რომ კიდევ ერთი ახალგაზდა კაცის სიცოცხლე ასე დასრულდა. ცხადია, თომამ სასჯელი უნდა მოიხადოს, მას ეს სასჯელი არათუ მხოლოდ ციხეში, არამედ - მორალურად, მთელი ცხოვრება გაჰყვება. თუმცა კარგი იქნება, თუ სასამართლო მხედველობაში მიიღებს იმ გარემოებებს, რაც ამ მკვლელობამდე ხდებოდა.

(სპეციალურად საიტისთვის)

მკითხველის კომენტარი (31)
24 დეკემბერი 2020 23:49
Ეს იყო თავდაცვა
ხატია
24 დეკემბერი 2020 22:53
მენანება ეს ბიჭი ციხისათვის. მაგრამ იმ კაცს რომ მუქარა აესრულებინა? ალბათ ოჯახი გადაარჩინა ტრაგედიას. საკუთარი ცხოვრება კი გაიუბედურა. როცა სამართალდამცავები ვერ ან არ გიცავენ ადამიანს სხვა რა გზა დაგრჩენია. ცუდია ამას რომ ვამბობ, უფრო მეტიც საშინელებაა, ვერანაირად ვერ ვამართლებ ნაძირალას მკვლელობას, მაგრამ რამდენი ბავშვი დააობლეს და გააუბედურეს ამისთანა უჯიშო არაკაცებმა. რამდენი ოჯახი აატირეს. ღმერთმა განსაჯოს და შეუნდოს ამ ბიჭს.
სოხუმელი
24 დეკემბერი 2020 21:13
ვაჟკაცურად მოქცეულა ღმერთმა გამძლეობა მოგცეს
antibneleti
24 დეკემბერი 2020 19:45
დაუბერდეს მარჯვენა! სასჯელი კი უნდა შეუმსუბუქდეს! არა, ბიჭო, იმ ნაძირალას უნდა დაესწრო და ეს წესიერი ხალხი გაესტუმრებინა საიქიოს!
ჩემი აზრი
24 დეკემბერი 2020 17:19
მოსაკლავი ყოფილა, მაგრამ ამ კარგ ბიჭს რატომ მოაკვლევინა თავი მაგ არაკაცმა.
ნუნუ
24 დეკემბერი 2020 17:02
ძალიან მეცოდება თომა
grisha
24 დეკემბერი 2020 16:49
გაუმარჯოს ღმერთმა
hm
24 დეკემბერი 2020 16:38
უფალმა შემინდოს და მიიღო ის რაც დაიმსახურა თუ მართლა ესეა! ეგ სასიცოხლო არ ყოფილა რაც შეეხბე აამ ბიჭს 1 წთიც კი არ ეკუთვნის ციხე,! პირიქიტ ეს და მისი ოჯახი არის მსხვერპლი მოკულულისა! ძმა სხვანაიარდ ვერ მოიქცეოდა!
დაინდეტ ბიჭი და არ გაუშვათ ციხეში!
მაია
24 დეკემბერი 2020 16:20
ხო და ამ მოძალადე ქმარს შეეწირა ახალგაზრდა ბიჭი ეჰ
ადამიანი
24 დეკემბერი 2020 15:16
დაიმახსოვრეთ ადამიანებო! --- როდესაც სხვას შეურაწყოფას აყენებ, დასცინი და ცდილობ დაჩაგრო, --- ზოგი მოგითმენს, ზოგი მოგცილდება(თავს დაგანებებს) და ზოგი პასუხს გაგცემს სხვა და სხვა ფორმით(მაგ.ტყვიას დაგაჭედებს ან ყელს გამოგჭრის)
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.

რუბრიკის სხვა სიახლეები
დღის კითხვადი სტატიები
ბლოგერები
თვის კითხვადი სტატიები