სტრასბურგის სასამართლომ ალექსანდრე ლიტვინენკოს მკვლელობაზე პასუხისმგებლობა რუსეთს დააკისრა - კვირის პალიტრა

სტრასბურგის სასამართლომ ალექსანდრე ლიტვინენკოს მკვლელობაზე პასუხისმგებლობა რუსეთს დააკისრა

სტრასბურგის სასამართლომ ალექსანდრე ლიტვინენკოს მკვლელობაზე პასუხისმგებლობა რუსეთს დააკისრა

ადამიანის უფლებების ევროპული სასამართლოს გადაწყვეტილებით, ყოფილი აგენტის, ალექსანდრე ლიტვინენკოს მკვლელობაზე პასუხისმგებლობა რუსეთს ეკისრება. სასამართლოს განაჩენში აღნიშნულია, რომ ალექსანდრე ლიტვინენკოს მკვლელობა კგბ-ს ორმა ყოფილმა აგენტმა, ანდრეი ლუგოვოიმ და დიმიტრი კოვტანმა განახორციელეს ოპერაციის ფარგლებში, რომელსაც, სავარაუდოდ, რუსეთის ფედერალური უსაფრთხოების სამსახური ხელმძღვანელობდა.

43 წლის კრემლის კრიტიკოსი, ალექსანდრე ლიტვინენკო 2006 წელს ლონდონში, სასტუმრო Millennium-ში, მწვანე ჩაის დალევის შემდეგ გარდაიცვალა. ის მოწამლული იყო იშვიათი რადიოაქტიური ნივთიერებით - პოლონიუმ 210-ით. ბრიტანეთი მის მკვლელობაში მოსკოვს ადანაშაულებდა, რასაც რუსეთი ყოველთვის კატეგორიულად უარყოფდა.