ხაზარაძე პროკურორს: "დაგიდო ფაქტები, რომ მილიარდი ლარის ზარალი მიაყენეთ ბანკის აქციონერებს? - ასეთი ტყუილები შეიძლება?"
ხაზარაძე პროკურორს: "დაგიდო ფაქტები, რომ მილიარდი ლარის ზარალი მიაყენეთ ბანკის აქციონერებს? - ასეთი ტყუილები შეიძლება?"
ე.წ. ფულის გათეთრების საქმეზე ბრალდებულების მამუკა ხაზარაძის, ბადრი ჯაფარიძისა და ავთანდილ წერეთლის სასამართლო პროცესზე მცირე ხმაური იყო. კერძოდ, მამუკა ხაზარაძის გაღიზიანება ერთ-ერთი პროკურორის რეპლიკამ გამოიწვია, რომლის მიხედვითაც "ის იტყუებოდა".

"თქვენ შეგიძლიათ, ყველანაირი ტყუილი თქვათ",- მიმართა ხაზარაძეს პროკურორმა სალომე ჩიქობავამ, რასაც ასევე ბრალდებულების მხრიდან ხმაური მოჰყვა.

"რა თქვი, რა შემიძლია? ნებისმიერი ტყუილი? დაგიდოთ ახლა ფაქტები, რომ მილიარდი ლარის ზარალი მიაყენეთ ბანკის აქციონერებს? თქვენ მართლა მატყუარებო! პროკურორები არიან, ასეთი ტყუილები შეიძლება? "აიფონი"
გაქვს, აკრიფე და ნახე რამხელა ზარალია. წარმოდგენა არ გაქვთ, ამის ხმარებაც არ იცით და ფინანსებზე მელაპარაკებით, თქვენ ოროსნებო. ამათ ხელფასს ვუხდით ჩვენი გადასახადებით!" - განაცხადა ხაზარაძემ.

პროკურორებს მიმართა ბადრი ჯაფარიძემაც.

"ფორსმაჟორი" იცი? ბატონო მოსამართლე, საომარი მოქმედებები არის თუ არა ფორსმაჟორი, მიპასუხოს პროკურორმა, გისწავლიათ იურიდიულ ფაკულტეტზე?"
- განაცხადა ჯაფარიძემ, რასთან დაკავშირებითაც პროკურორმა არჩილ დეკანოზიშვილმა განაცხადა, რომ მას "არამხოლოდ იურიდიულზე უსწავლია, არამედ ეკონომიკურზეც".

"ბატონო მოსამართლევ, პროკურორს ფორსმაჟორზე წარმოდგენა არ აქვს, რა არის, მართლა არ იცის",- განაცხადა ჯაფარიძემ.

"ინტერპრესნიუსი"

მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რუბრიკის სხვა სიახლეები