როგორ იმოქმედებს სააკაშვილის მუქარა ივანიშვილის, ხაზარაძის და რუხაძის გაკულაკებაზე?
როგორ იმოქმედებს სააკაშვილის მუქარა ივანიშვილის, ხაზარაძის და რუხაძის გაკულაკებაზე?
ფოტო:მიხეილ სააკაშვილი, ირაკლი რუხაძე, მამუკა ხაზარაძე
არჩევნებამდე ერთი კვირით ადრე სასტარტო პოზიციები ასე გამოიყურება: "ნაციონალებმა" გაერთიანებული ოპოზიციითურთ, რომლებმაც პირწმინდად მოიგეს პირველ ტურში საინფორმაციო ომი, მეორე ტურში პოზიციები საგრძნობლად დათმეს და თავდასხმიდან მოპასუხის რეჟიმში გადავიდნენ; შემცირდა პირველი ტურის შემდეგ გაჩენილი ფსიქოლოგიური უპირატესობაც, რომელიც გრიგოლ ვაშაძის გარდაუვალი წარმატების განცდას აჩენდა და სრულ დემორალიზაციას ახდენდა.

"ქართული ოცნების" არა მხოლოდ მხარდამჭერების, არამედ წევრების, ე.წ. ადმინისტრაციული რესურსის, სამართალდმაცავი სტრუქტურების თანამშრომლების, განსაკუთრებით, "ქართულ ოცნებაში" გა
დასული "ნაციონალების" ერთგვარი "მეხუთე კოლონის", მაჟორიტარების, საკრებულოების წევრების და ა.შ. და მათი მნიშნელოვანი ნაწილი აშკარად იწყებდა, ახალი პატრონის ძიებაზე ფიქრს.

ბოლო ერთი კვირაა ფსიქოლოგიური ბალანსი აღდგა, რადგან გარდაუვალი განსაცდელის განცდამ "ოცნების" ლიდერშიპი ისეთი მობილიზებული გახადა, როგორც არასდროს 2012 წლის შემდეგ.

ამ ფონზე, როგორ იმოქმედებს საბანკო დავალიანებების გასტუმრების გუშინდელი გადაწყვეტილება ამომრჩეველზე?! რთულია გამოთვლა, რამდენი
ხმა შეემატა ამით "ოცნებას", იმიტომ რომ ვალგადახდილთა ნაწილი, ვინც "ნაციონალი" იყო "ნაციონალადვე" დარჩა, ვინც "ოცნების" ამომრჩეველი - ისედაც "ოცნებას" აძლევდა ხმას, ტრადიციულად პასიური ამომრჩეველი შეიძლება ივანიშვილის ასეთმა ნაბიჯმაც ვერ მიიყვანოს საარჩევნო უბნამდე, თუმცა ხმების გარკვეული რაოდენობა და რაც მთავარია, ფსიქოლოგიური უპირატესობა რომ მოიპოვა საკუთარ მომხრეებში ბიძინა ივანიშვილმა, ეს ცხადია.

არანაკლებ, საინტერესოა როგორ იმოქმედებს ეს ნაბიჯი "ნაციონალების"/გაერთიანებული ოპოზიციის და ე.წ. შუაშისტ ამომრჩეველზე?! მათ დემორალიზებას მოახდენს თუ პირიქით, აფიქრებინებს, რომ საქართველოში ხელისუფლების ცვლილება არჩევნების გზით შეუძლებელი ხდება, რადგან არჩევნების მხოლოდ ის იგებს, ვისაც დიდი ფული აქვს: ასეთ მდგომარეობაში ადამიანების ნაწილი ნიჰილიზმსა და დეპრესიაში ვარდება, ნაწილი კი მობილიზებას ახდენს და პირიქით, მივა არჩევნებზე რომ დიდ ფულს დაუპირისპირდეს. რომელ ჯგუფში რამდენი ამომრჩეველი გადანაწილდება, ამის დათვლაც ძალზედ რთულია.

კიდევ ერთი ფაქტორი, რომელიც აუცილებლად იმუშავებს მეორე ტურში არჩევანის გაკეთებისას, ეს არის სააკაშვილის მუქარა - დაპირება ივანიშვილის, ხაზარაძის და რუხაძის გაკულაკებაზე, რაც "ნაციონალების" მმართველობის გამოცდილებიდან გამომდინარე, დანარჩენ მსხვილ, საშუალო თუ წვრილ ბიზნესსაც აფიქრებინებს, რომ მათი გაკულაკების ჯერიც დადგება, რადგან მიხეილ სააკაშვილის მიერ გაცემულ უამრავ სოციალურ დაპირებას დიდი ფული უნდა და ეს მათზე გადაივლის. რა თქმა უნდა, ეს შიში, ბიზნესის მობილიზებასაც მოახდენს "ოცნების" გარშემო.

"ოცნების" წისქვილზე ასხამს წყალს ისიც, რომ "ნაციონალებს", მიუხედავად ამომრჩევლის რიცხვის ზრდისა, უჭირთ დიდი რაოდენობის ხალხის მობილიზება ქუჩაში აქციაზე გამოსაყვანად.

და, ალბათ უნდა ველოდოთ "სიურპრიზებსაც", რომლებიც ბოლო კვირას ორივე პოლიტიკურ ძალას უნდა ჰქონდეს, სავარაუდოდ, შემონახული გადამწყვეტი დარტყმისთვის.

ბლოგში გამოთქმული მოსაზრებები ეკუთვნის ბლოგერს, რომელსაც შესაძლოა რედაქცია არ ეთანხმებოდეს
გივი
23 ნოემბერი 2018 11:00
საქარტველოდან მოპარული ფული ნაცებს რო აქვტ იმდენი უნდა
მერაბი
22 ნოემბერი 2018 13:20
ეს კაცი აბსოლიტურად მართალია. ნუთუ კიდევ არსებობს და რომ არსებობს კიდე მათი მხარდამჭერი ეს საშინელებაა ნაციონალები სანამ უკლებლივ ყველა არ გასამართლდება არაფერი არ გვეშველება.
კაკონს უნდა მივხედოთ პატარა ერი ვართ სხვა არაფერი გვიშველის.
ნეიტრალი.
21 ნოემბერი 2018 22:25
მე მგონი ის "შუაშისტი" ამომრჩეველი მაინც იმიტომ მივა არჩევნებზე რომ დიდ ფულს დაუპირისპირდეს.

რუბრიკის სხვა სიახლეები
თქვენი აზრით, როგორი პრეზიდენტი იქნება სალომე ზურაბიშვილი?
თქვენი აზრი მნიშვნელოვანია!
თქვენი აზრით, როგორი პრეზიდენტი იქნება სალომე ზურაბიშვილი?
თვის კითხვადი სტატიები