"აქ შურის მომენტიც არის... თვითონაც ჩაიცვან ეგეთი კაბები და ვნახოთ, თუ გაუმართლებთ"
"აქ შურის მომენტიც არის... თვითონაც ჩაიცვან ეგეთი კაბები და ვნახოთ, თუ გაუმართლებთ"
"ხატია ბუნიათიშვილი ჯვარზე გააკრეს, მაგრამ მას ბევრი ბაძავს"

"ხატიას პოპულარობას მის სექსუალურობას აბრალებენ"


"რაც შეეხება ხატია ბუნიათიშვილს, აქ შურის მომენტიც არის… თვითონაც ჩაიცვან ეგეთი კაბები და ვნახოთ, თუ გაუმართლებთ. არავის არ მინდა ეწყინოს, მაგრამ ყველამ თავისი ნიჭიერებით გაიკაფოს გზა. შეჭამეს რა ეს გოგო." - ამბობს მსოფლიოში ცნობილი ქართველი საოპერო მომღერალი - ნანა ქავთარაშვილი... მან ხატია ბუნიათიშვილთან დაკავშირებულ აჟიოტაჟზე თავის მოსაზრება იტალიიდან გაგვიზიარა.


- საქართველოში კლასიკურ მუსიკაში მოღვაწე ხელოვანებიდან ხატია პირველია,
ვინც თამამი ჩაცმულობით გვევლინება.
..
ნანა ქავთარაშვილი:
- ამიტომაც მოჰყვა ამხელა აჟიოტაჟი. მერე ჩვეულებრივი მოვლენა იქნება. ბევრი მიბაძავს. ეს გოგო კი ჯვარზე გააკრეს. აქ შურის მომენტიც არის. უფრო მუსიკოს გოგოებში გამოიწვია გაღიზიანება. ისინიც უდავოდ ნიჭიერები არიან, მაგრამ რადგან ხატია ძალიან ცნობილი გახდა, მის პოპულარობას სექსუალურობას აბრალებენ.
ეს ხომ აბსურდია. თვითონაც ჩაიცვან ეგეთი კაბები და ვნახოთ, თუ გაუმართლებთ.
არავის არ მინდა ეწყინოს, მაგრამ ყველამ თავისი ნიჭიერებით გაიკაფოს გზა. შეჭამეს რა ეს გოგო. ბევრს ვწვალობთ და ზოგს უმართლებს, ზოგს არა. ბოღმიანებს კი საერთოდ არ უმართლებთ.

- ხატიასთან დაკავშირებული აჟიოტაჟის შემდეგ, შეიძლება იფიქრო, რომ საქართველოშიც კლასიკური მუსიკა მაშინ გახდება პოპულარული, თუ თამამი ჩაცმულობა და თამამი სცენები ხშირი იქნება...
- კიდევ ერთხელ, ხაზგასმით ვიმეორებ, რომ მე პირადად მომწონს ხატიას ასეთი სტილი. როცა უკრავს, უდიდეს სიამოვნებას მანიჭებს და თან ჩაცმულობითაც ყურადღებას იქცევს. ყოველთვის ძალიან უხდება, რაც აცვია.

- ევროპაში თამამი სცენები საოპერო სპექტაკლებში უკვე ჩვეულებრივ მოვლენად იქცა...
- სიშიშვლე საოპერო ხელოვნებაში მომრავლდა, მაგრამ მათ, ვინც ამ მეთოდს იყენებს, ძირითადად ხმები არა აქვთ და მაყურებლის ყურადღება გადააქვთ სიშიშვლეზე... ხატია ნიჭიერი გოგოა და სტილიც გამორჩეული აქვს. როგორი ჩაცმულიც არ უნდა გამოვიდეს და დაუკრას, მსმენელს მაინც მოხიბლავს... უბრალოდ ესეთი სტილი აირჩია, თან ეშხიანი, ლამაზი სხეული აქვს და სარგებლობს, ან რატომ არ უნდა ისარგებლოს?


რაც შეეხება ევროპას, გერმანიაში რეჟისორები ეროტიულ სცენებსაც დგამენ, განსხვავებული და უფრო საინტერესო რომ გახადონ სპეკტაკლები მაკურებლისთვის... ხშირად სკანდალური სცენებია და ქართველ მომღერლებსაც მოუხდათ ასეთ სპექტაკლებში გამოსვლა. იმიტომ კი არა, რომ ხმები არა აქვთ, უბრალოდ, რეჟისორის ჩანაფიქრია და უარს ვერ ეტყვი. შეიძლება შემდეგ სხვამ დაიკავოს შენი ადგილი. მე პირადად ჯერ არ მიმიღია მონაწილეობა ასეთ სპეკტაკლებში... მხოლოდ ერთხელ მახსოვს, მიუნხენში რომ ჯუზეპე ვერდის "ნაბუქოდან" "აბიგაილს" ვმღეროდი და ოპერის მიხედვით, ჩემი მსახური ჩემი საყვარელი იყო. რეჟისორმა მოინდომა, რომ მე, დივანზე წამოვწოლილიყავ და ჩემ მსახურთან ერთად შემექმნა ეროტიკული სცენის იმიტაცია. მაყურებელი ასე ხედავდა შორიდან, თორემ ეს მსახური არც კი მეხებოდა... კიდევ კარგი, სამღერი არ მქონდა ამ დროს: ორკესტრის და გუნდის სცენა იყო, მე კი, როგორც დედოფალი, ვნებივრობდი... როცა ასეთი სკანდალური სცენები საქართველოს სცენებზეც იქნება, მერე უფრო ივლის ხალხი. უცხო ხილი უფრო გემრიელი და საინტერესოა.

- ანუ ევროპაში ეს ხალხს არ აღიზიანებს?...
- პირიქით, უფრო იზიდავს მაყურებელს და არავის აგრესია არ აქვს. საქართველოს მსგავსად, ჯერ იტალიაშიც ვერ ბედავენ სითამამეს. აქ უფრო მეტად ტრადიციულ სპექტაკლებს სცემენ პატივს. რამდენჯერაც სცადეს თამამი სპექტაკლების დადგმა მოწვეულმა რეჟისორებმა, დიდი სკანდალები მოჰყვა. მერე ეს რეჟისორები გააპარეს ქალაქიდან.

იხილეთ ასევე: "ხატიას პირადზე არ ვლაპარაკობ" - რას ამბობს ბუნიათიშვილის დედა ქალიშვილისა და ორლანდო ბლუმის ურთიერთობაზე?

მანანა გაბრიჭიძე (სპეციალურად საიტისთვის)
მკითხველის კომენტარი (66)
სულმკიდიაყველა
08 იანვარი 2014 15:30
შენ იმიტომ ჩაიცვი, რომ ხალხს ესლაპარაკა. ნიჭიერი გოგო ხარ შენს საქმეში, მაგრამ მაინც იაფფასიანი ყოფილხარ რომ ამ დონეზე დაეცი! :)
xatia
31 დეკემბერი 2013 17:56
მაგიტოო ჩაიცვა ეგრე,რომ ხალხს ელაპარაკა :D კაიი ტიპია ხატია...
nato
19 დეკემბერი 2013 11:49
ხატია და სოფოს ნაირი ნიჭიერი და ლამაზი ახალგაზრდები გვიმრავლოს უფალმა.
არ გინდათ ხალხო ამდენი შური და ღვარძლი რისთვის იმძიმებთ სულს, სხვისი წარმატება რატომ გაგიჟებთ.
mashiko
17 დეკემბერი 2013 10:36
ქართველი ხალხი მუდამ ერთმანეთის ჭამით იყო მაძღარი :):):) ხატიაა ნუ გეწყინებაა, ძაან მმაგარი გოგო ხარ :*
napoleoni
14 დეკემბერი 2013 19:32
ქალს ქღაპრული მკერდი და სხეული აქვს და შურიანები ბიღმით სკდებიან. ვერ ვიტან მიშას და მიშისტება მაგრამ ხატიაზე და ნიჟარაძეზე ენა მაინც ვერ მიბრუნდება. სიგიჟემდე მევასებიან.
Sergo
07 დეკემბერი 2013 17:41
Aravis ar ekitxeba vin ras rodis da sad chaicvams yvelam tavis saqmes mixedos . Am jurnalistebma ki tvini waiges yvelaze dabali donis aria chveni jurnalistebi. Ec a lipi tu araa magaze neti salaparako agarapelia saqartveloshi .puuu amatiი
lia
02 დეკემბერი 2013 13:47
ხალხო, რა გჭირთ! მუსიკას უსმინეთ, თუ უსმენთ და იმით დატკბით. ვისი რა საქმეა რას ჩაიცმევს ხატია, ტიტველი ხომ არ უკრავს! ჩაიკოვსკის რომ უსმენთ, სულ ერთი არ არის თქვენთვის მისი ორიენტაცია თუ ფრაკის ფასონი? რატომ იმას არ ხედავთ, რამდენი იშრომა ამ ახალგაზრდა ადამიანმა, რამდენ საათს იჯდა ინსტრუმენტთან რომ ასეთი წარმატებული ყოფილიყო! აფერუმ გოგოს, სხვები რომ გაშლიგინებდნენ ,ის მუშაობდა. ნუ იბოღმებით რა და ნუ გათვალავთ ამ ადამიანს!
zaza
29 ნოემბერი 2013 14:20
ხატია მარტლაც ლამაზი, მომხიბვლელი და საკმაოდ სექსუალური გოგოა, ასეტი ჩაცმულობაც უხდება, რას გადაეკიდეთ ამ მომხიბვლელ გოგონას, გაიარეთ ქუჩაში და ისეთ უგემოვნო და გაშიშვლებულ ჩაცმულებს ნახავთ რომ გული შეგიწუხდებათ, ხატიას ვთხოვ ნუ მიაქცევს ყურადგებას ამ უგემოვნო გოიმებს, რომლებმაც ეს სკანდალი ააგორეს. ხატია გაიხარე და მტრის ჯინაზე სულ ასეთი ლამაზი და მომხიბვლელი იყავი.
ნანა
29 ნოემბერი 2013 14:04
ქართველმა ყველა თუ არ აკრიტიკა,ისე რა ქართველია! თან ხან ტრადიციებს იშველიებენ,ხან რწმენას და ილანძღებიან და იბოღმებიან უსაშველოდ ბევრს! ყველამ რომ საკუთარ ჩაცმულობას და პირადს მიხედოს,ეს არავის უნდა,მთავარია გასაკრიტიკებელი ნახონ ვინმე,გაასწორებენ მიწასთან! არავინაა ვალდებული,ბრბოს შეუთანხმოს,როგორ ჩაიცვას,როგორ იმღეროს ან იცეკვოს,როგორ ისაუბროს და ზოგადად,როგორ ისუნთქოს!გაუნათლებლობის ბრალია ეს ყველაფერი და ასეთ ფონზე საქართველოს დიდხანს არაფერი ეშველება!...ხატიას კი მხოლოდ წარმატებას ვუსურვებ და ვურჩევ,მოშორდეს საქართველოს და იცხოვროს იქ,სადაც მას გულით შეიყვარებენ,დააფასებენ და ასე უსინდისოD არ აკრიტიკებენ!
.
29 ნოემბერი 2013 11:49
ჩემი აზრით ამ აჟიოტაჟის ატეხვა მხოლოდ და მხოლოდ ჟურნალისტების ბრალია,რაც მიუთითებს მათ უვიცობაზე და უსაქმურობაზე. დარწმუნებული ვარ,ისევე როგრორც მე,ორშაბათის გადაცემაში ბევრს არ შეუმჩნევია ეცვა თუ არა ხატიას ლიფი.

რუბრიკის სხვა სიახლეები
გაზეთის სტატია. მიიღეთ წვდომა
გაზეთის სტატია. მიიღეთ წვდომა