"ნინი ბადურაშვილმა დაბადების დღეზე დამპატიჟა"
20-03-2014
"ნინი ბადურაშვილმა დაბადების დღეზე დამპატიჟა"
ქართველმა ბოდიბილდერმა ლიკა ქავჟარაძის სექსუალური პარტნიორის როლი შეასრულა

ადრე ნინის ვიქტორი მოსწონდა, მეგობრებმა კი დაბადების დღეზე სიურპრიზი მოუწყვეს და მიუყვანესო...



ზაზა ურუშაძის "მანდარინებში"რუსი ჯარისკაცი იყო, თორნიკე ბზიავას "აპრილის სუსხშიც"ეპიზოდურ როლში გადაიღეს, შოთა კალანდაძის "ტრილოგიაში"კი ლიკა ქავჟარაძის სექსუალური პარტნიორი ითამაშა. გარდა ამისა, ის არაერთ მუსიკალურ თუ სარეკლამო კლიპშიც არის გადაღებული და ქართველ გოგონებში დიდი პოპულარობით სარგებლობს. 28 წლის ბოდიბილდერი - ვიქტორ გეგეშიძე დიდი ხანია, სპორტის ამ სახეობით არის გატაცებული და საკუთარი
სხეულის ფორმების შესანარჩუნებლად და გასაუმჯობესებლად ძალ-ღონესა და ფინანსებს არ ზოგავს.
ბოდიბილდინგი - საკუთარი სხეულის შენება საკმაოდ რთული და შრომატევადი პროცესია და როგორც სპორტსმენი აღნიშნავს, საქართველოში ეს სახეობა ჯერჯერობით, დაუფასებელია. ვიქტორს თავისი მენეჯერის - ზაზა ბააზოვის თანდასწრებით ვესაუბრე.


- ვიქტორ, არაერთ ფილმში მონაწილეობთ. თამამ სცენაში ისეთ
ცნობილ ქალბატონთან ერთად გადაგიღეს, როგორიც ლიკა ქავჟარაძეა. ამას სხვა პერსონაჟებიც მოჰყვა. როგორ ფიქრობთ, რატომ დაინტერესდნენ თქვენით?

- თავიდან, რა თქმა უნდა, ჩემმა ფიზიკურმა მონაცემებმა მიიქცია მათი ყურადღება, მაგრამ მერე ნახეს, რომ იმის შესრულებას, რასაც ჩემგან მოითხოვდნენ, კარგად ვახერხებდი. საერთოდ, ბოდიბილდერების შეჯიბრებებზე გარკვეულწილად მსახიობობაც გვიწევს: მუსიკის ფონზე სხვადასხვა ილეთი უნდა შეასრულო, რიტმში ჩაჯდე და შენი ფიზიკური მონაცემები სწორად წარმოაჩინო, ამიტომ ჩემთვის "მსახიობობა"უცხო ხილი არ იყო.

- ვარჯიში რომ დაიწყეთ, რამდენს იწონიდით?
- 48 კილოგრამს. ძალიან სუსტი, გამხდარი, ავადმყოფი ბავშვი ვიყავი და მეუბნებოდნენ, - შენგან რა უნდა დადგესო? მაგრამ მოვინდომე და ყველას დავუმტკიცე, რომ ბევრი რამ შემიძლია! მთავარი მონდომება და საქმის სიყვარულია! ბოდიბილდინგში ვარჯიშსა და კვების რეჟიმის დაცვას დიდი ნებისყოფა, შრომისმოყვარეობა სჭირდება. კვირაში 5-6-ჯერ, დაახლოებით 3 საათს ვვარჯიშობ. საათობრივად უნდა იკვებო, თანაც - ზუსტად განსაზღვრული საჭმელი უნდა მიირთვა, ცილები, ცხიმები, ნახშირწყლები უნდა დაითვალო. აუცილებლად უნდა იცოდე, რომელი პროდუქტი რა ნივთიერებას შეიცავს. კუნთოვანი მასის გასაზრდელად მნიშვნელოვანია ცილოვანი პროდუქტი: ხაჭო, თევზი, ხორცი, კვერცხი და ა.შ. არსებობს სპორტული დანამატები, რომლებსაც ინტერნეტით ვიწერთ. მაგალითად, ე.წ. პროტეინი, ამინომჟავა, კრეატინი, ბრუტამინი - ისეთი პრეპარატები, რომლებიც კუნთისთვის აუცილებელია.

- თქვენი "ფეისბუკის"გვერდზე ნინი ბადურაშვილთან ერთად გადაღებული ფოტოები ვნახე. მეგობრობთ?
- ეს 2008 წელს გადაღებული ფოტოებია. ნინიმ დაბადების დღეზე დამპატიჟა და წავედი, კარგი დრო გავატარეთ... დიდი ხანია, მას აღარ შევხვედრივარ.

- ამბობენ: ადრე ნინის ვიქტორი მოსწონდა, მეგობრებმა კი დაბადების დღეზე სიურპრიზი მოუწყვეს და მიუყვანესო...

- ამაზე ვერაფერს გეტყვით (იღიმის).

ინტერვიუ სრულად იხილეთ ჟურნალ ”გზის” ხუთშაბათის ნომერში.
lali
28 მარტი 2014 17:38
ის როგორი იყო ზაურამ რო თქვა მე ლამაზი გოგოს ცოლად მოყვანა არ მინდოდა და ძალით მომაყვანინესო,ჰა?ამას გაეცით ჯერ პასუხი ვინ დაუნგრია ზაურას ცხოვრება? ნაციონალებმა აბა მეტი ვინ!
nini s
21 მარტი 2014 16:37
დალიან ლამაზი ფოტოა დალიან მომეწონა ,(ტუ არ მოწამლეს ეხლა უხამსი კომნტარებიტ,)

რედაქტორის რჩევით