გიორგი ყიფშიძეს ჯულიანა ბარგნართან რომანი აქვს?!
23-06-2014
გიორგი ყიფშიძეს ჯულიანა ბარგნართან რომანი აქვს?!
თბილისში ახალი ჭორი გავრცელდა - გიორგი ყიფშიძე მეუღლეს გაშორდა და ჯულიანა ბარგნარი შემოდგომაზე ცოლად მოჰყავსო.

ჯულიანას შესახებ პატარა პრეისტორიას შეგახსენებთ. კერძოდ, ყიფშიძემ და ბარგნარმა "ცეკვავენ ვარსკვლავების" მე-3 სეზონში გაიმარჯვეს და პრიზად 80 კვმ-იანი ბინაც ერგოთ.

ყველაფერი კი ცეკვების სწავლით დაიწყო. როგორც ამბობენ, ყიფშიძე და ბარგნარი მალე განუყრელ მეგობრებად”იქცნენ - ყველგან ერთად იყვნენ, როგორც პროექტში, ისე პროექტს მიღმა, ღამის კლუბებში, საცურაო აუზზე... ეჭვს, რომ მათ შორის რომანი იყო, "ცეკვავენ ვარსკვლავების" ჩამწერი
სტუდიიდან ყიფშიძის ცოლის მოულოდნელი“გაუჩინარებაც აღრმავებდა, რადგანაც პროექტის მსვლელობისას, გიორგის მეუღლე ანი ჩიკვილაძე წყვილის გულმხურვალე გულშემატკივარი იყო, თუმცა, ბოლოს მისთვის არავის მოუკრავს თვალი. ამბობენ, როცა ამ ისტორიამ ანის ყურამდე მიაღწია, ყიფშიძეების ოჯახში დიდი სკანდალი მომხდარა.

რაც შეეხება, ამ ამბის მეორე გმირს, ჯულიანა ბარგნარს, მან საჯაროდ განაცხადა:
"მე და გიორგი ახლო მეგობრები ვართ, ყველგან ერთად დავდიოდით და, ალბათ, ამან განაპირობა ამ ჭორის აგორება... გიორგის ცოლი ჰყავს. მე ყოველთვის თავს ქალის ადგილას ვაყენებ, იმიტომ, რომ არ მსურს, მეც ასე მომექცნენ. გიორგის მეუღლე ძალიან კარგი გოგოა. შოუში გიორგის გვერდში ედგა. ჰარამხანა საჩემო არ არის. მე ერთადერთი უნდა ვიყო".

თუ ამ ლოგიკას გავყვებით, მაშინ ბარგნარი გიორგისთვის მე-3 იქნება, რადგან მსახიობის პირველი მეუღლე კრისტი ყიფშიძე გახლდათ, რომელსაც, როგორც მაშინ ამბობდნენ, მსახიობ ია სუხიტაშვილის გამო გაშორდა (მოგვიანებით ეს თავად ია სუხიტაშვილმაც საჯაროდ დაადასტურა. ავტ. - თ. ღ.)

ჯულიანასა და გიორგის ამბავი "ცეკვავენ ვარსკვლავებისთვის" პირველი სკანდალი არ გახლავთ. პროექტმა შეიწირა სალომე ჭაჭუასა და გიორგი გაჩეჩილაძის რომანიც, რომელიც თავის დროზე ჭორად შერაცხეს, თუმცა, ეს "ჭორი" გიორგი ვარდოსანიძის და სალომე ჭაჭუას ბედნიერებით დასრულდა. ალბათ, მათ ერთგვარი, "სტიმული",”პროექტის პროდიუსერმა ნოე სულაბერიძემაც მისცა, რომელსაც "ცეკვავენ ვარსკვლავების" მიმდინარეობისას თავად დაენგრა ოჯახი - მისი ქორწინება "რუსთავი 2"-ის სახესთან, ეკა სამხარაძესთან დასრულდა...

"კვირის პალიტრამ" გადაწყვიტა, თბილისური სიყვარულის ისტორია მთავარ მოქმედ გმირთან, გიორგი ყიფშიძესთან გადაემოწმებინა. მის ერთ-ერთ ნომერზე ანი ჩიკვილაძემ გვიპასუხა.

- გაზეთ "კვირის პალიტრიდან" გაწუხებთ. გიორგისთან გვსურს გასაუბრება.

- გიორგის თავის მობილურზე დაუკავშირდით.

- თქვენ მეუღლე ბრძანდებით?

- (ხანგრძლივი პაუზის შემდეგ) დიახ.

- ვწუხვართ, მაგრამ თბილისში გავრცელებული ხმების შესახებ უნდა გკითხოთ, რამდენად შეეფერება ჯულიანასა და გიორგის რომანი სიმართლეს?

- ამ თემაზე არ მსურს კომენტარის გაკეთება.

- თქვენი კარგად მესმის, მაგრამ ეგებ ის მაინც გვითხრათ, მართალია?
- არ ვაპირებ ამ თემაზე საუბარს...

რაც შეეხება გიორგის, ის ჯიუტად არ პასუხობდა სატელეფონო ზარებს...
ვნახოთ, როგორ დასრულდება ეს ამბავი. ფაქტი კი ერთია, "ცეკვავენ ვარსკვლავების" ცეცხლოვანმა ცეკვებმა მონაწილეებს გულშიც დაუნთო ცეცხლი. მეოთხე სეზონის დამთავრებამდე კიდევ დროა დარჩენილი. ვნახოთ, რა მორიგ სიურპრიზს შემოგვთავაზებენ პროექტში მონაწილე წყვილები თუ პროექტის ავტორები!

თეა ღვანია
ცუცა
08 იანვარი 2015 17:34
ver vitan am gogos
gng
09 ივლისი 2014 11:20
მაკოს ვეთანხმები .მართალია ...არ შეიდზლება ასე თავხედურად სხვის ოჯახში შეჩრა ..შესაძლოა სულაც არაფერი ხდებოდა გიორგისა და ჯულიანას შორის მარა ამ ჭორებმა უფრო გაამძაფრა მათი მდგომარეობა...
.......................................
29 ივნისი 2014 10:55
ჯულიანა რომ მკვდარს გააცოცხლებს ეს ფაქტია და არაფერია გასაკვირი

რედაქტორის რჩევით