"ისეთი მონატრებული მქონდა ძმასთან სიმღერა…" - ძმების "საქართველოო ლამაზო" და ატირებული მსმენელი
"ისეთი მონატრებული მქონდა ძმასთან სიმღერა…" - ძმების "საქართველოო ლამაზო" და ატირებული მსმენელი
"ერთი პოლონელი სოლისტია და ეს ვიდეო ჩემს გვერდზე ბევრმა რომ ატვირთა, მერე მითხრა, არ ვიცოდი შენ თუ მღეროდი, პოლონეთში ისეთი პოპულარულია ეს სიმღერა ლამის ჰიტათეულების სათავეშიაო."

"შარშან ჩემი ძმა უჩა იყო ჩემთან ჩამოსული, ირანელი კოლეგა მოვიპატიჟეთ და "წინწყაროს" ბანი ვამღერეთ. გადაირია კინაღამ - ეს რა საოცრება ყოფილაო. მას მერე ხშირად მირეკავს და მეუბნება, საქართველოში ჩამოსვლა მენტარებაო.
"

"საქართველოო ლამაზო..." ერთი შეხედვით, ერთი ჩვეულებრივი ქართული სუფრაა, სადაც ჩვეულებრივი ბიჭები მღერიან... ოღონდ მღერიან
არაჩვეულებრივად, გასაოცარი გატაცებით, ეს მხოლოდ ლამაზი ხმები არ არის, ეს არის მთელი მათი ცხოვრების, მეტიც, მათი სამშობლოს სიხარულისა და ტრაგიზმის დამტევი ხმები... ამიტომაც იპოვა გზა მსმენელის გულამდე... ბოლო დღეების განმავლობაში, ვიდეოჩანაწერმა, რომელშიც ძმების გოჩა და უჩა აბულაძეების ნამღერია ასახული, ინტერნეტსივრცე დაიპყრო, თანაც როგორც ირკვევა, არა
მხოლოდ საქართველოში... დავინტერესდით ვინ არიან ისინი, რას საქმიანობენ? -  ერთ-ერთ ძმას, გოჩა აბულაძეს დავუკავშირდით, რომელიც როგორც აღმოჩნდა გერმანიაში ცხოვრობს და საკმაოდ წარმატებული ბარიტონია...

გოჩა აბულაძე:

- მე და უჩა 5 წლის წინ ჩავედით იტალიაში და ოზიმოს ცნობილ აკადემიაში ჩავაბარეთ. შემდეგ უკვე სხვადსხვა კონკურსებში გავიმარჯვე. ახლა რამოდენიმე წამყვანი თეატრის სოლისტი ვარ. ვმუშაობ ძალიან ცნობილ ორ სააგენტოსთან. 2 წელიწადია გერმანიაში, მაგდებურგის თეატრში ვმოღვაწეობ. სხვათა შორის, ორი კვირის წინ სეზონის საკუთესო მომღერლად დამასახელს. ჰამბურგელმა რეჟისორმა ჩემზე ფილმი გადაიღო. გერმანია ისეთი ქვეყანაა სადაც ძნელია თავის დამკვიდრება და ძალიან მიხარია ეს რომ მოვახერხე.

- თქვენი ძმა რას მოღვაწეობს?
- უჩა ამჟამად თბილისშია. შექმნა ულამაზესი ოჯახი. მყავს უმაგრესი ძმიშვილი - ეფემია. უჩა მეცადინეობს დოდო დიასამიძესთან. მინდა, ჩემი ძმაც ჩემს გვერდით იყოს.პატარაობიდანვე ერთად ვმღერით. მე ორი წლის ვიყავი, უჩა - ოთხის, როდესაც დედასთან ერთად პირველ-მეორე ხმაში ვმღეროდით. ჩემი ძმა გაცილებით ნიჭიერია.

- როგორც ვიცი, 5 წლის წინ როდესაც პირველად მიდიოდი ევროპაში, კულტურის სამინისტრომ დაფინასებაზე უარი გითხრა...
- კულტურის სამინისტრო დაგვპირდა, რომ დაგვაფინანსებდა. მამამ ვალი აიღო, რადგან დარწმუნებულები ვიყავით, რომ სამინისტრო მალე ჩაგვირიცხავდა ფულს. შემდეგ უკვე იტალიაში ყოფნისას სამინისტროდან მოვიდა წერილი, სამწუხაროდ, ჩვენ ვერ დაგაფინანსებთო. უკვე აღებული ვალის პროცენტები იზრდებოდა, იძულებულები გავხდით, გაგვეყიდა ის ბინა, სადაც გავიზარდეთ (სხვათაშორის, ბინა ახლაც არ გვაქვს, ჩემი ძმა ნაქირავებში ცხოვრობს). ახლა ნელ-ნელა ვცდილობთ რაიმე შევიძინოთ. საკუთარი სახლი მხოლოდ სოფელში გვაქვს, სოფელში რომელიც ჩემთვის ყველაფერია და სიგიჟემდე მიყვარს. მოგვიანებით სამინისტრომ გარკვეული თანხა გადმოგვირიცხა, მაგრამ, სამწუხაროდ, ბინა უკვე გაყიდული გვქონდა. სამინისტროსი მაინც მადლობელი ვარ. საბედნიეროდ, ყველაფერი ისე წარიმართა, რომ ჩვენი რისკი გამართლდა.

- გოჩა, ახლა იმ სიმღერაზეც მოგვიყვეთ, რომელიც ასეთი პოპულარული გახდა...
- ზაფხულში საქართველოში ჩამოვედი. ერთი წელი არ ვიყავი ნამყოფი და ძალიან მენატრებოდა სამშობლო. ჩემმა მეგობარმა დამირეკა და შევიკრიბეთ. მახსოვს, მაგრად ცხელოდა. ამ დროს დამირეკა ჩემმა ძმამაც და ისიც მოვიპატიჟეთ. აღმოჩნდა რომ ერთი ბიჭი, რომელიც იქ გავიცანით, გიტარაზე უკრავდა და გადავწყვიტეთ გვემღერა. არც ვიცოდი თუ იღებდნენ. 2 კვირის მერე დავბრუნდი გერმანიაში და ჩემმა მეგობარმა გამომიგზავნა "იუთუბის" ლინკი, სადაც ჩვენი სიმღერა ჰქონია ატვირთული. მერე ვიღაცამ "ფეისბუქზე" დადო ეს სიმღერა და ძალიან პოპლურაული გახდა. სიმართლე გითხართ, ნამდვილად არ ველოდი თუ ასეთი რექცია მოჰყვებოდა. მაგდებურგის თეატრში, სადაც ვმოღვაწეობ, ერთი პოლონელი სოლისტია და ეს ვიდეო ჩემს გვერდზე ბევრმა რომ ატვირთა, მერე მითხრა, არ ვიცოდი შენ თუ მღეროდი, პოლონეთში ისეთი პოპულარულია ეს სიმღერა ლამის ჰიტათეულების სათავეშიაო.

- როგორ ფიქრობთ, რატომ გახდა ეს სიმღერა ასეთი პოპულარული?
- ჩემ თავზე არასდეს მიყვარს ლაპარაკი, მაგრამ, მგონი, მართლა კარგი ნამღერია. მე და ჩემი ძმა ბავშვობიდან ერთად ვმღერით… ისეთი მონატრებული მქონდა ძმასთან სიმღერა, მთელი სული და გული ჩავდეთ, ალბათ ამან იქონია სიმღერაზე გავლენა.

-  თბილისი ოპერის თეატრში თუ გქონია კონცერტი და თუ გიფიქრია, აქ ჩამოსვლაზე?
- ჩემი დებიუტი კონერვატორიაში დადგმულ სპექტაკლში შედგდა, რომელიც ოპერის სცენაზე დაიდგა. ეს უბედნიერესი დღე იყო ჩემს ცხოვრებაში. "სევილიელ დალაქში" ფიგაროს პარტიას ვასრულებდი. ჩემი დიდი ოცნებაა დავბრუნდე საქართველოში, რადგან თბილისის ოპერისა და ბალეტის თეატრის სცენა ჩემთვის უსაყვარლესია, მაგრამ დიდი ხნით დაბრუნებაზე ჯერ არ ვფიქრობ, რადგან, სამწუხაროდ, მანდ არაა საოპერო კარიერისთვის შესაფერისი პირობები… ჩემი წინსვლისთვის ჯერ აქ ყოფნა სჯობს, მაგრამ ყოველ წამს მენატრება ჩემი მშობლები, ჩემი ძმა, ჩემი მეგობრები, მაგრამ ყველაზე მტად ჩემი საქართველო მენატრება. ჩვენ გვაყვს უძლიერესი მომღერლები და ვისურვებდი, რომ მათ ჰქონდეთ შესაბამისი ფინანსები, რადგან ეს ხალხი ამას იმსახურებს.

- როდესაც მეგობრები იკრიბებით, მთვარი თემა ალბათ საქართველოა...
- შარშან ჩემი ძმა, უჩა იყო ჩამოსული, ჩემი ირანელი კოლეგა დავპატჟე ჩემთან და "წინწყაროს" ბანი ვამღერეთ. გადაირია კინაღამ. ეს რა საოცრება ყოფილაო. მას მერე ხშირად მირეკავს და მეუბნება, საქართველოში ჩამოსვლა მენტარებაო. თეატრში როცა მაქვს საშუალება, რომ რაიმე ქართული ვიმღერო ყოველთვის ვმღერი, მეტიც, ხშირად თავად მთხოვენ რომ ქართული სიმღერა შევასრულო. ყველა ხვდება, რომ ქართული სიმღერა საოცრებაა, რომელსაც უნდა მოვუაროთ. საქართველოში როცა ჩამოვიდივარ, ჩემთან სოფელ სიმონეთში ვიკრიბებით ხოლმე მეგობრები, ფოლკლორსაც ვმღერით და ჩვენ საყვარელ საქართველოზეც ვლაპარაკობთ...

- იმ ფაქტორმა რომ ქართული მუსიკის შესახებ იციან და აფასებენ, თვითდამკვიდრებაში ხელი შეგიწყო?
- რა თქმა უნდა. იტალიაში როცა ჩავედი, რომ იგებდნენ საქართველოდან ვიყავი, სულ სხვა თვალით მიყურებდნენ. იტალიაში უკვე კარგად იცნობენ ჩვენს კულტურას რადგან იქ დიდი ხანია მოღვაწეობენ ჩემი მეგობრები; უდიდესი ვარსკვალები ანიტა რაჭველიშვილი, ნინო მაჩაიძე და სხვ. ყველამ იცის საქართველოს რა საოცარი ფოლკლორი აქვს, ის სულიერება, რაც ევროპამ დაკარგა ჩვენ შევინარჩუნეთ. ჩვენი სიმღერა თბილი და წრფელია, ძალიან იოლად მიდის გულამდე.

ლადო გოგოლაძე (სპეციალურად საიტისთვის)

იხილეთ ვიდეო

მკითხველის კომენტარი (15)
...
18 მარტი 2016 21:44
ასეთი შესრულებილი ეს სემღერა არასოდეს მომისმენია, აღფრთოვანებილი ვარ, მიყვარხართ ქართველებო
lali
26 იანვარი 2016 16:16
გაიხარეთ შვილებო! წარმატებები!
მზია
31 ოქტომბერი 2015 21:03
თქვენ შეუდარებელი ძმები ხართ!...არა მარტო სიმღერაში,არამედ ქართველობაშიც ვერავინ დაგიდებთ ტოლს.ვამაყობ რომ თქვენ ჩემი შვილების საუკეთესო მეგობრები ხართ.გისურვებთ უფრო და უფრო მეტ წინსვლას და წარმატებებს კარიერაში.ძალიან მიყვარხართ უჩგოჩიებოო...
გულო გველესიანი
31 ოქტომბერი 2015 20:56
გვეამაებით ძმებო!
მარიამი
21 მარტი 2015 10:51
რამდენიმე დღეა , რაც ამ შესანიშნავი ძმების შესახებ შევიტყვე... მერამდენედ ვუსმენ მათ ნამღერს ვერ გეტყვით... უდიდესი სითბო გადმომედო... გაგახაროთ, გაგამრავლოთ და გაგაძლიეროთ ყოვლის შემოქმედმა ღმერთმა!!!
მანუ
20 მარტი 2015 01:19
გაგიმარჯოთ ბიჭებო! თქვენ გაიხარეთ და გამრავლდით!ასჯერ მაქვს ეს სიმღერა მონასმენი უამრავი მომღერლის შესრულებით,მაგრამ თქვენ ამატირეთ......სხვა საქართველო მართლა არსად არ არის
gvanca
19 მარტი 2015 22:20
ღმერთმა დალოცოს ძმები და მათი ოჯახის ყველა წევრი.
არაჩვეულებრივად მღერიან.
სიყვარული დევს ყოველ მათ ბგერაში.
მადლობა ღმერთს, ქართველ კაცს/ქალს სიმღეროს ნიჭი უფლისგან უხვად აქვს, მაგრამ ამ ნიჭიერებში კიდევ რომ გამოირჩევა ადამიანი, მას ვინ არ დალოცავს?
მოკლედ, მადლობა, ჩემო კარგები, რომ ასეთი ლამაზი ხმის, სმენის, სულის, ქართველობის მტარებლები ხართ................
ვაჟა
19 მარტი 2015 20:43
მიხარია როცა ასეთი ვაჟკაცები კიდევ არსებობენ საართველოში,ბედნიერი ვარ რომ ამ კაცებს,მათ ოჯახს ახლოს ვიცნობ,ისინი სპეტაკი, მოსიყვარულე და კეთილი ადამიანები არიან...
maiko
19 მარტი 2015 19:39
ყოჩაღ ქართველო ძმებო! ჩვენ გადაშენება არ გვიწერია, თუ ასეთები ბევრნი იქნებიან.
ფაზისელი
19 მარტი 2015 15:59
თქვენ მთელი საქართველოს შვილები ხართ.....ვამაყობ თქვენით...თქვენნაირები და კიდევ სხვა სფეროში წარმატებული ახალგაზრდები გადაარჩენს ჩვენს ბედრკულ საქართველოს....გეფერებით შვილებო!

რუბრიკის სხვა სიახლეები