აქციებმა ნაყოფი გამოიღო
რუმინეთის დედაქალაქ ბუქარესტში საპროტესტო აქციები მას შემდეგ დაიწყო, რაც პრემიერმა ემილ ბოკმა ჯანდაცვის მინისტრის მოადგილე რაედ არაფატი თანამდებობიდან გაათავისუფლა.საპროტესტო აქციების მონაწილეებს არაფატი იმ მოხელედ მიაჩნიათ, რომელსაც სოციალ-ეკონომიკური მდგომარეობის გაუმჯობესებაში დიდი წვლილის შეტანა შეუძლია. დემონსტრაციები პოლიციასთან შეტაკებაში გადაიზარდა. სამართალდამცველებმა 137 კაცი დააკავეს. თუმცა, ბოლოს, პრეზიდენტმა ტრაიან ბესესკუმ უკან დაიხია და რაედ არაფატი თანამდებობაზე დააბრუნა.