შურისძიების დღე
ერაყში სუნიტურმა დაჯგუფებებმა შიიტური მთავრობის წინააღმდეგ შურისძიების დღე მოაწყვეს. კერძოდ, 19 აპრილს მათ ქვეყანაში ერთდროულად 20 ტერაქტი განახორციელეს, რომლის შედეგადაც 43 ადამიანი დაიღუპა, 61 კი დაიჭრა. შიიტმა პრემიერ-მინისტრმა ნური ალ-მალიქმა განაცხადა, რომ ტერაქტების ორგანიზატორები მკაცრად დაისჯებიან. თუმცა დასავლეთში მიიჩნევენ, რომ ერაყიდან ამერიკელების წასვლის შემდეგ, ადგილობრივი მთავრობა ქვეყანაში სიტუაციაზე კონტროლს თანდათან კარგავს.