"არჩევნები ძალადობის გარეშე"
"ვფიქრობთ, საქართველოში, წინასაარჩევნო პერიოდში, აზრთა სხვადასხვაობის მიუხედავად, პროცესები დემოკრატიულად, ძალადობის გარეშე წარიმართება. მნიშვნელოვანია, უზრუნველყოფილ იქნას კონკურენტული გარემო, სადაც ყველა კანდიდატი შეძლებს საკუთარი შეხედულების ქართველ ამომრჩევლამდე მიტანას", - განაცხადა საქართველოში აშშ-ის ელჩმა ჯონ ბასმა. მისი თქმით, აშშ საქართველოში რომელიმე პოლიტიკოსს ან პარტიას კი არ უჭერს მხარს, არამედ ქვეყანას, დემოკრატიული ინსტიტუტებისა და დემოკრატიის განმტკიცებაში. დიპლომატმა ბოლო დროს მომხდარ ინციდენტებსა და "გლობალ ტვ"-ის გარშემო განვითარებული მოვლენების შესახებ აღნიშნა: "საქართველოში საკმაოდ დიდი ხანია, ვიმყოფები და ვამჩნევ, რამდენად რთულია ფაქტებსა და შეხედულებებს შორის განსხვავების დანახვა" (სიუჟეტი იხ. www.palitratv.ge-ზე).