"მასთ ქერი" მუდმივად
მედიაორგანიზაციები "მასთ ქერისა" და "მასთ ოფერის" პრინციპების მუდმივად დაკანონების თხოვნით, მიმდინარე ან მომავალ თვეს პარლამენტს შესაბამისი კანონპროექტით მიმართავენ. "ხელისუფლების ცვლილების მიუხედავად, ზოგიერთ რეგიონში ისევ არის პრობლემა: ადგილობრივმა საკაბელოებმა რამდენიმე მაუწყებელი გამორთეს ან კიდევ, "მასთ ოფერის" შემთხვევაში, ზოგიერთმა ტელეკომპანიამ უარი თქვა "გლობალ TV"-ში ჩართვაზე. ხშირად ასეთი გადაწყვეტილება პოლიტიკური მოტივით არის განპირობებული, ამიტომაც აუცილებელია აღნიშნული პრინციპების სამუდამო დაკანონება, რათა მსგავსი რისკები მომავალში გამოირიცხოს", - განაცხადა გაზეთ "რეზონანსის" მთავარმა რედაქტორმა ლაშა ტუღუშმა.