გრიპის ვირუსი და წითელა გვიტევს
ბოლო მონაცემებით, საქართველოში H1N1 ვირუსით 22 კაცი დაიღუპა, დაავადებულთა რაოდენობა კი 293 კაცს შეადგენს. საქართველოში წითელას ინფექციამაც იფეთქა - ამ დაავადების 111 შემთხვევა აღინიშნა, მათგან 101 თბილისში.
შედარებისთვის - 2012 წელს საქართველოში წითელას სულ 31 შემთხვევა დაფიქსირდა.
ინფექციასთან დაკავშირებით სავალდებულო ვაქცინაციის პროგრამის განხორციელება დაიწყო. ექსპერტები ინფექციის მიზეზად 2008 წელს ჩაშლილ წითელას იმუნიზაციას ასახელებენ.