ლუქსემბურგის ოცნება
06-05-2013
განათლების მინისტრი გიორგი მარგველაშვილი შრომის ახალი კოდექსის პროექტს  "როზა ლუქსემბურგის ოცნებას" უწოდებს. "პარლამენტში როზა ლუქსემბურგის ოცნების შრომის კოდექსია შესული. შიგ ისეთები წერია, საქართველოში დამსაქმებელი ვეღარ გაჭაჭანდება. ეს ძალიან პრობლემურია", - აღნიშნა მარგველაშვილმა. საპასუხოდ  იუსტიციის მინისტრის მოადგილე ალექსანდრე ბარამიძემ განაცხადა, რომ უკვირს მარგველაშვილის რადიკალურობა, რადგან ეს "ქართული ოცნების" ამომრჩეველთა საოცნებო კოდექსია (სიუჟეტი იხ. www.palitratv.ge-ზე).

ომარ ლანჩავა
08 მაისი 2013 17:23
1. შრომის კოდექსს უნდა ახასიათებდეს და ახასიათებს კიდევაც განვითარებულ ქვეყნებში ასიმეტრიულობა - გონივრული ასიმეტრია დაქირავებულთა სასარგებლოდ. ევროპაში ამას მიხვდნენ მე-17 მე-18 საუკუნეების მიჯნაზე.

2. შრომის საწარმოო მხარე (პროდუქციის რაოდენობა, ხარისხი და ა.შ.) და სოციალური მხარე (ხელფასი, დასვენება, უსაფრთხოება) წინააღმდეგობრივია, ამასაც მაშინ მიხვდნენ.

3. ევროპაში ერთ მხარეს დგას დაქირავებული+პროფკავშირი (ძლიერი ევროპული და არა ქართული), მეორე მხარეს დგას დამქირავებელი და მაინც ამ უკანასკნელს აქვს უპირატესობა. ამიტომ იქაური მთავრობა გამოდის დაქირავებულის მხარეზე ასიმეტრიის დამკვიდრებით საკანონმდებლო დონეზე, რომელიც განუხრელად სრულდება და ეს არის ნორმა ევროპაში, აშშ-ში. აქაური მინისტრის ქილიკობის თემა არ არის მოსაწონი ევროპული "საზომებით".

4. დაქირავებულისა და დამქირავებლის უფლებებში გათანაბრებით დაქირავებული ისეთივე სარგებელს ნახავს, როგორსაც ცხვარი "ხორცის ჭამის უფლებების მინიჭებაში".

5. მათი გათანაბრება უფლებებში პირდაპირ ნიშნავს დამქირავებლისათვის უპირატესობის მინიჭებას.

6. "სამართლიანობის მწვერვალია"ქართული გაგებით, როცა მოგებას ნახავს დამქირავებელი, ხოლო დაქირავებულის სოციალური დაცვას უზრუნველყოფს სახელმწიფო.

7. ქართული გაგებით დაქირავებულმა ვერ უნდა ისარგებლოს სოციალური სიკეთეებით - ვერ შეძლოს ბინის ყიდვა, დასვენება, მკურნალობა, არც უნდა იყოს ამის პერსპექტივა, ანუ უნდა იყოს მონა. აი ამ გაგების აღმოფხვრაზე უნდა ვიზრუნოთ ყველამ.

8. ქართულმა გაგებამ (და მინისტრმაც) არ იცის, რომ მონობა აკრძალულია საქართველოს კონსტიტუციით.

9. მე მინდა, რომ პერსპექტივა იყოს იმისა, რომ ადამიანი იყოს დაცული სოციალურად თავისი შრომით. ეს არის ჩემი "ქართული ოცნება".

10. მე ვარ ქართველი პროფესორი და ვარ სოციალურად დაუცველი (შედარებისათვის საბჭოთა პროფესორი უფრო დაცული იყო, ხოლო რუსეთის იმპერიის პრივატ-დოცენტი კიდევ უფრო მეტად).

11. სამწუხაროა როცა მინისტრის წილი "ქართული ოცნება" მონობის აპოლოგიაა.

რედაქტორის რჩევით