ნატოს კარი ღიაა
ნატოს საპარლამენტო ასამბლეის პრეზიდენტ ჰიუ ბეილის განცხადებით, საქართველოსთვის ალიანსის კარი ღიაა. "დარწმუნებული ვართ, რომ საქართველო შეაღებს ამ კარს",–- აღნიშნა ბეილმა.
მისი თქმით, გარკვეული პრობლემები მოსაგვარებელია, თუმცა იმედი აქვს, რომ ქართული მხარე ამას წარმატებით გაართმევს თავს. ბეილიმ ისიც აღნიშნა, რომ ავღანეთში ISAF-ის მისიაში საქართველოს მონაწილეობას ალიანსი დიდ მნიშვნელობას ანიჭებს და აფასებს.
მისივე თქმით, ნატო მხარს უჭერს საქართველოს სუვერენიტეტსა და ტერიტორიულ მთლიანობას.