მორიგი ვეტო
პრეზიდენტმა ორ კანონპროექტს ვეტო დაადო. კერძოდ, სააკაშვილმა ვეტოს უფლება "სამოქალაქო კოდექსში" შესატან იმ ცვლილებებზე გამოიყენა, რომლებითაც არასამეწარმეო იურიდიულ პირებს ეცვლებათ სამართლებრივი ფორმა და შესაძლებელი ხდება მათი საჯარო სამართლის იურიდიულ პირებად გარდაქმნა. პრეზიდენტის ადმინისტრაციის განმარტებით, არის ძალიან დიდი რისკი, რომ უმაღლესი სასწავლებლების ავტონომიურობა შეილახოს. პრეზიდენტმა ასევე ვეტო დაადო ""საკონსტიტუციო სასამართლოს შესახებ"" კანონში შეტანილ ცვლილებებს, რომელთა თანახმადაც, თუ საკონსტიტუციო სასამართლო სადავო აქტსა და საკანონმდებლო ნორმას შეაჩერებს, საბოლოო გადაწყვეტილება მან 30 კალენდარულ დღეში უნდა მიიღოს, წინააღმდეგ შემთხვევაში, 31-ე დღიდან შეჩერებული ნორმები ამოქმედდება. სააკაშვილი მიიჩნევს, რომ ეს ცვლილება საკონსტიტუციო სასამართლოს უფლებებს ზღუდავს.