პატრიარქმა ერი დალოცა
11-11-2013
პატრიარქმა ერი დალოცა
უწმინდესმა და უნეტარესმა, სრულიად საქართველოს კათოლიკოს-პატრიარქმა  ილია II-მ საგურამოში ილია ჭავჭავაძის 176-ე წლისთავის გამო გამართულ ღონისძიებაზე  ქართველი ერი და ხელისუფლება დალოცა, საქართველოს მშვიდობა და კეთილდღეობა უსურვა.  პატრიარქმა ილია მართლის ღვაწლზეც ისაუბრა და ბრძანა: "ცხოვრება კიბეს ჰგავს - ზოგი მაღლა ადის, ზოგი კი დაბლა ეშვება. "ბევრია ისეთი ადამიანი, რომელიც უფსკრულისკენ მიდის, მაგრამ არიან ისეთებიც, ვინც ტკივილით, მაგრამ მაინც მიდის მაღლა. ჩვენ უნდა ავიდეთ ამ კიბეზე და გავხდეთ მკვიდრნი სასუფევლისა. ყველაზე იოლი
გზა ამისთვის არის მოწყალება - როდესაც ადამიანი ხედავს სხვა ადამიანის გაჭირვებას. ცხოვრებაში, ალბათ, ბევრჯერ ყოფილა შემთხვევა, როდესაც შეხვედრიხართ გაჭირვებულ ადამიანს და ამ დროს თქვენს სულიერ სამყაროში იწყება ბრძოლა, დაეხმაროთ თუ არა. ალბათ, ყოფილა ისეთი შემთხვევა, როდესაც გაგივლიათ, მაგრამ შემდეგ უკან დაბრუნებულხართ, რომ დახმარებოდით. ე. ი.
კეთილმა აზრმა გაიმარჯვა. ვლოცავ ჩვენს ერს, მხედრობას, ახალ ხელისუფლებას, ღმერთმა ბევრი სიკეთე გაგაკეთებინოთ. ღმერთმა მოგცეთ თქვენ და საქართველოს მშვიდობა და კეთილდღეობა" (სიუჟეტი იხ. www.palitratv.ge-ზე).

მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით