რელიგიური კონფესიები დაფინანსდებიან
შერიგებისა და სამოქალაქო თანასწორობის საკითხებში სახელმწიფო მინისტრ პაატა ზაქარეიშვილის ინფორმაციით, სახელმწიფო ზარალს აუნაზღაურებს იმ რელიგიურ გაერთიანებებს, რომლებსაც საბჭოთა პერიოდში ავიწროებდნენ. "ამ ჩამონათვალში შევიდა ოთხი რელიგიური მიმართულება: ისლამური, იუდეური, რომაულ-კათოლიკური და სომხური ეკლესიები. ჯერჯერობით საუბარია ზოგად თანხაზე, რომელიც პროპორციულად განაწილდება. თანხის ზედა ზღვარი 4,5 მილიონი ლარით განისაზღვრება", - აღნიშნა ზაქარეიშვილმა.