ივანიშვილის საჩუქარი სახელმწიფოს
17-02-2014
ივანიშვილის საჩუქარი სახელმწიფოს
ბიძინა ივანიშვილმა სახელმწიფოს ჯიღაურის,  წილკნისა და ახალქალაქის მეურნეობები გადასცა. როგორც ჟურნალისტებს ჯიღაურის მეურნეობის დათვალიერებისას სოფლის მეურნეობის მინისტრის მოადგილე იური ნოზაძემ განუცხადა, სოფლის მეურნეობის სამინისტროს სამეცნიერო კვლევით ცენტრს, აიპ "აგროსა" და შპს "აგრო ქართუს" უძრავ-მოძრავი ქონება გადაეცემა. მისივე ინფორმაციით, ცენტრს ასევე გადაეცემა 26 ჰექტარი ვაზისა და ხეხილის სადემონსტრაციო ნაკვეთი, წილკნისა და ახალქალაქის სამეურნეო ობიექტები, სადაც კარტოფილის ელიტური, ასევე ბოსტნეულისა და მარცვლეულის თესლები გამოჰყავთ. მინისტრის მოადგილის ინფორმაციით, წილკნის სამეურნეო ობიექტის ფართობი 7
ჰექტარია, ხოლო ახალქალაქის სამეურნეო ობიექტისა 250-მდე ჰექტარს შეადგენს. მეურნეობები თანამედროვე ინფრასტრუქტურითა და მანქანა-დანადგარებითაა აღჭურვილი. სახელმწიფოსთვის გადაცემულ ქონებაში 20 მილიონ ლარამდე ინვესტიციაა ჩადებული.
ამასთან, სოფლის მეურნეობის სამინისტროსთან შეიქმნა სამეცნიერო კვლევითი ცენტრი, რომლის ბაზა ჯიღაურის მეურნეობაში იქნება (სიუჟეტი იხ. www.palitratv.ge-ზე).


მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით