ვირუსული მენინგიტი - კვირის პალიტრა

ვირუსული მენინგიტი

საქართველოს ვირუსულმა მენინგიტმა შეუტია. ვირუსის ბევრი შემთხვევა დაფიქსირდა როგორც თბილისში, ისე რეგიონებში. ვირუსული მენინგიტი, ძირითადად, ბავშვებს აღენიშნებათ. შესაბამისად, ჯანდაცვის სამინისტროს რეკომენდაციით, სკოლებმა და საბავშვო ბაღებმა სწავლა 26 მაისის ჩათვლით შეწყვიტეს. ჯანდაცვის სამინისტროს განმარტებით, ექიმთან დროულად მისვლის შემთხვევაში, ვირუსი სახიფათო არ არის. მისი სიმპტომებია: მაღალი სიცხე, გულისრევა, ფაღარათი. ჯანდაცვის სამინისტრო მენინგიტის გავრცელებასთან სასმელი წყლისა და საკვების კავშირს გამორიცხავს. ვირუსული მენინგიტი ხელით კონტაქტით გადადის, ამიტომ ჰიგიენის დაცვა აუცილებელია (ვრცლად იხ. გვ. 33, სიუჟეტი იხ. www.palitratv.ge-ზე).