სტიქიას სამი კაცი ემსხვერპლა
04-08-2014
ვანის რაიონში სტიქიას 3 კაცი ემსხვერპლა. კოკისპირული წვიმის გამო ადიდებულმა მდინარე კვინისწყალმა ხიდი ჩაანგრია და მასზე მიმავალი მსუბუქი ავტომობილი მდინარეში ჩავარდა.
მაშველებმა ავტომობილში მყოფი ხუთი მგზავრიდან ორი გადაარჩინეს. სტიქიამ დააზარალა სოფელ ამაღლების მოსახლეობაც - სახლებში შევარდა, დაიტბორა სახნავ-სათესი მიწა, დაიხოცა შინაური ფრინველი და ცხოველი. ვითარებას ადგილზე გაეცნო ფინანსთა მინისტრი ნოდარ ხადური. მთავრობის სარეზერვო ფონდიდან ვანში სტიქიის გამო დაღუპულთა ოჯახებისთვის 13.500 ლარი გამოიყო.
მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით