უშიშროების საბჭოს სხდომას, რომელიც მარგველაშვილის პრეზიდენტობის პირობებში პირველად გაიმართა, პრემიერ-მინისტრი ირაკლი ღარიბაშვილი არ დაესწრო. საქართველოს საგარეო საქმეთა მინისტრ მაია ფანჯიკიძის განცხადებით, "პრემიერსა და პრეზიდენტს შორის არსებობს ჩვეულებრივი სამუშაო კომუნიკაცია და ეს არანაირი სპეკულაციის საბაბი არ უნდა გახდეს. არ არის საჭირო ზედმეტი აჟიოტაჟის ატეხა". უშიშროების საბჭო ნატოს უელსის სამიტისთვის მზადებას მიეძღვნა და წინასწარი ინფორმაციით, პრემიერი ამ შეხვედრას უნდა დასწრებოდა.