პრეზიდენტმა 280 პატიმარი შეიწყალა
04-08-2014
საქართველოს პრეზიდენტმა გიორგი მარგველაშვილმა 280 პატიმარი შეიწყალა. შეწყალების კომისიის თავმჯდომარის, ზვიად ქორიძის განცხადებით: "შეწყალების კომისიამ სულ 2743 საქმე განიხილა. მათგან 1228 განცხადება სრულად აკმაყოფილებდა იმ კრიტერიუმებს, რომელიც განსაზღვრულია შეწყალების კომისიის დებულებით. შეწყალებულია 280 მსჯავრდადებული, აქედან 8 ქალი და 10 არასრულწლოვანია. შეწყალების შედეგად საპატიმრო დაწესებულებიდან სულ 169 პატიმარი გათავისუფლდა, დანარჩენ 111 მსჯავრდადებულს შეწყალების აქტით სასჯელი შეეცვალა, ზოგს გაუნახევრდა, ზოგსაც მესამედი ჩამოაკლდა".

მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით