ნარმანიას ბრძანება - კვირის პალიტრა

ნარმანიას ბრძანება

თბილისის მერის, დავით ნარმანიას ბრძანებით, წლის ბოლომდე მერიის საჯარო მოხელეები ყოველთვიურად ფიქსირებულ თანამდებობრივ სარგოსთან ერთად, სახელფასო დანამატსაც მიიღებენ. მოხელეთა ამ ჩამონათვალში არიან: თბილისის ვიცე-მერი ალექსანდრე მარგიშვილი (ყოველთვიური დანამატი 3.540 ლარი), მერის მოადგილეები, ადმინისტრაციის უფროსი და მისი მოადგილეები, ასევე გამგებლები, მისი მოადგილეები და ასე შემდეგ. ხელისუფლების წარმომადგენელთა თქმით, მმართველ გუნდს დიდი პასუხისმგებლობა აქვს მოსახლეობის წინაშე აღებული, რის გამოც 24-საათიანი მუშაობა უწევთ და ამიტომაც მიიჩნევენ, რომ საჯარო მოხელეს შესაბამისი ანაზღაურება უნდა ჰქონდეს (სიუჟეტი იხ. www.palitratv.ge-ზე).