კუდ-ის ყოფილი თანამშრომელი ოლეგ მელნიკოვი ე.წ. მატროსოვის ციხიდან 6 დეკემბერს გაათავისუფლეს. ადვოკატის ინფორმაციით, მისი დაცვის ქვეშ მყოფი საქართველოშია. კუდ-ის ყოფელ თანამშრომელს ბრალი ორ სისხლის სამართლის საქმეზე აქვს წარდგენილი - სანდრო გირგვლიანის მკვლელობასა და 2005 წელს ე.წ. მოდულის შენობაში 3 პოლიციელის ცემაზე. მელნიკოვმა ორივე ბრალდება აღიარა, რის სანაცვლოდაც პროკურატურამ საპროცესო შეთანხმება გაუფორმა. შსს-ს ყოფილი მაღალჩინოსანი ოლეგ მელნიკოვი, რომელზეც ქართულ მხარეს ძებნა ჰქონდა გამოცხადებული, 2012 წლის 7 დეკემბერს, უკრაინელმა სამართალდამცველებმა კიევში დააკავეს. ამ დროისთვის მას საქართველოში წინასწარი პატიმრობა ჰქონდა შეფარდებული. მელნიკოვმა სხვადასხვა სისხლის სამართლის საქმეში ყოფილი თანამდებობის პირების წინააღმდეგ მისცა ჩვენებები.