ტაჯიკეთის მოქალაქეს 12-წლიანი პატიმრობა მიესაჯა
19-01-2015
საქართველოს პროკურატურის ცნობით, ბათუმის საქალაქო სასამართლომ ადამიანით ვაჭრობისთვის ბრალდებულის, ტაჯიკეთის რესპუბლიკის მოქალაქე ზარინა ასაროვას საქმის არსებითი განხილვა დაასრულა. ასაროვას ბრალად ედებოდა ტაჯიკეთის რესპუბლიკის მოქალაქის ტრეფიკინგი. მან მსხვერპლი ტაჯიკეთის რესპუბლიკიდან მოტყუებით, მაღალანაზღაურებადი სამსახურის დაპირებით საქართველოში ჩამოიყვანა, ჩამოართვა ტაჯიკეთის მოქალაქის პასპორტი, შეუზღუდა თავისუფლად გადაადგილების უფლება და ეწეოდა მის სექსუალურ ექსპლუატაციას. სასამართლომ პროკურატურის მიერ წარდგენილ ბრალდებაში ასაროვა დამნაშავედ ცნო და 12 წლით თავისუფლების აღკვეთა მიუსაჯა.

მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით