კათოლიკოს-პატრიარქი მიუნხენიდან დაბრუნდა
სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე მიუნხენიდან თბილისში დაბრუნდა. უწმინდესს თბილისის აეროპორტში
წმინდა სინოდის წევრები, საპატრიარქოს წარმომადგენლები და მრევლი დახვდა. აეროპორტიდან კათოლიკოს-პატრიარქი სიონის საკათედრო ტაძარში მიბრძანდა, სანთლები დაანთო და მრევლი დალოცა. "ვერც ერთი ქვეყანა ვერ შეედრება საქართველოს. ღმერთმა დაგლოცოთ", - ბრძანა უწმინდესმა.
გერმანიის ქალაქ მიუნხენის ერთ-ერთ კლინიკაში პატრიარქმა სამედიცინო-პროფილაქტიკური გამოკვლევის ორკვირიანი კურსი გაიარა.