ოპოზიციამ საპროტესტო მსვლელობა მოაწყო
ოპოზიციის წარმომადგენელთა საპროტესტო მსვლელობა მეტროსადგურ "წერეთლიდან" "დიდუბის" მიმართულებით დაიწყო. აქციის მონაწილენი მსვლელობის
პარალელურად წერეთლის გამზირზე ე. წ. პოლიტპატიმრების პლაკატებს აკრავდნენ.
აქციაში მონაწილეობდნენ: "კონსერვატორები" ბიძინა გუჯაბიძე და კახა კუკავა; "ხალხის პარტიიდან" ალექსანდრე შალამბერიძე, "მოძრაობა ერთიანი საქართველოს", "მოძრაობა სამართლიანი საქართველოსთვის" წევრები და მანანა არჩვაძე-გამსახურდიას მხარდამჭერები. როგორც კახა კუკავამ განაცხადა, ყოველ ხუთშაბათს, 12:00 საათზე, უკანონო პატიმრების მხარდასაჭერი აქციები გაიმართება მანამდე, სანამ საქართველოში ერთი უკანონო პატიმარი იქნება.