მუშებმა გაფიცვა შეწყვიტეს
სამდღიანი გაფიცვის შემდეგ ფეროშენადნობთა ქარხნისა და სააქციო საზოგადოება "ჭიათურ-მანგანუმის" მუშებმა მუშაობა გააგრძელეს. მუშათა პროფკავშირებმა და
საგაფიცვო კომიტეტმა ეს გადაწყვეტილება საწარმოთა მფლობელებთან მოლაპარაკების შემდეგ მიიღეს.
მუშების მოთხოვნა 10 პუნქტისგან შედგება. ძირითადი სამი მოთხოვნაა: ორი თანამშრომლის სამსახურში დაბრუნება, შრომითი და უსაფრთხოების პირობების გაუმჯობესება და ხელფასების გაზრდა. თუ ეს მოთხოვნები არ დაკმაყოფილდება, მუშები კვლავ შეწყვეტენ მუშაობას.