ეკონომიკის მინისტრად კვლავ დიპლომატი დაინიშნა
26 აგვისტოს საქართველოს პრემიერ-მინისტრმა, ნიკა გილაურმა ეკონომიკის ახალ მინისტრად ზურაბ პოლოლიკაშვილი წარადგინა. ბოლო პერიოდში ზურაბ
პოლოლიკაშვილი საქართველოს ელჩი იყო ესპანეთში.
-"პოლოლიკაშვილმა ძალიან კარგად იცის ინვესტორებთან ურთიერთობა. მან უკვე გამოიჩინა ამ საკითხში თავი ესპანელ ინვესტორებთან ურთიერთობისას. ძალიან მნიშვნელოვანია, რომ იგი 7 წლის განმავლობაში მუშაობდა კერძო სექტორში, კონკრეტულად "თი-ბი-სი ბანკში". მან კარგად იცის, რა პრობლემები აწუხებს დღეს კერძო სექტორს. შეუძლია იმ პრობლემათა მოგვარება, რომელიც ზოგადად საქართველოს ეკონომიკაშია: პრივატიზაცია, ინვესტიციების მოზიდვა, უცხოური კაპიტალის შემოყვანა ქვეყანაში, ინვესტორებთან ურთიერთობა, ასევე ადგილზე კერძო სექტორის პრობლემების გადაწყვეტა, - აღნიშნა პრემიერმა.