გაზსადენის გახსნით საქართველოს სუვერენიტეტი შეილახა
26 აგვისტოს სამხრეთ ოსეთის დამოუკიდებლობის აღიარების წლისთავთან დაკავშირებით გაიხსნა რუსეთისა და ცხინვალის რეგიონის დამაკავშირებელი -"ძაუჯიკაუ-
ცხინვალის"გაზსადენი.
საქართველოს საგარეო საქმეთა სამინისტრომ გაზსადენის საქართველოს თანხმობის გარეშე გახსნა საქართველოს სუვერენიტეტის შელახვად შეაფასა. შესაბამისი განცხადება უწყების ოფიციალურ ვებგვერდზე გამოქვეყნდა.
განცხადებაში აღნიშნულია, რომ გაზსადენის გახსნა პირდაპირ ეწინააღმდეგება საქართველოს კონსტიტუციის მე-3 მუხლს, რომელიც მხოლოდ საქართველოს უმაღლეს სახელმწიფო ორგანოთა კომპეტენციის ფარგლებს უქვემდებარებს საქართველოს საგარეო სავაჭრო ურთიერთობების, საქართველოს ერთიანი ენერგეტიკული სისტემისა და რეჟიმის რეგულირებას.
სამინისტროს განმარტებით, აღნიშნული ფაქტი არღვევს კანონსაც""ოკუპირებული ტერიტორიების შესახებ".