აფლია "ისტორიულ სამართლიანობას" აღადგენს
სოხუმ-აფხაზეთის ეპარქიის წინამძღოლის ე.წ. მოვალეობის შემსრულებელმა ბესარიონ აფლიამ განაცხადა, რომ "აფხაზურმა ეკლესიამ ისტორიული სამართლიანობა
აღადგინა და საქართველოს ეკლესიას ოფიციალურად გამოეყო".
"ქართულ-აფხაზური ომის შემდეგ ჩვენ არაერთხელ მივმართეთ უმაღლეს მართლმადიდებლურ ინსტანციებს, მაგრამ ყველა მათგანი დუმდა, რადგან ქართულ ეპარქიასთან ურთიერთობის გაფუჭება არ უნდოდათ"", - ამბობს აფლია.
მისივე თქმით, სოხუმის საკათედრო ტაძარში ეპარქიის ყველა საეკლესიო მსახური შეიკრიბა და გადაწყვეტილება ერთხმად მიიღეს.
"აფხაზეთის სასულიერო პირების განცხადება არასერიოზულია, - განაცხადა უწმინდესმა და უნეტარესმა, სრულიად საქართველოს კათოლიკოს-პატრიარქმა, - არავის აქვს უფლება, გამოაცხადოს დამოუკიდებლობა დედაეკლესიის გარეშე".