სირიაში აქციის დარბევას 100-მდე ადამიანი ემსხვერპლა
სირიაში ადგილობრივი ხელისუფლება კვლავ დაუნდობლად უსწორდება იმ დემონსტრანტებს, რომლებიც ქვეყანაში ცვლილებებს მოითხოვენ.
ქალაქ ეზრაში სამხედროებმა ფართომასშტაბიანი აქცია დაარბიეს, რასაც 100-მდე ადამიანი ემსხვერპლა.
ოფიციალური დამასკოს მტკიცებით, დემონსტრანტები აგრესიულად იქცევიან, სახელმწიფო დაწესებულებებსა და მმართველი პარტიის საქალაქო კომიტეტებს ესხმიან თავს. მათივე თქმით, დემონსტრანტებს შორის პროვოკატორები არიან, რომლებიც უცხოური ოპოზიციური ცენტრებიდან იმართებიან.