აშშ-ის მიზანია, საქართველო ერთიანი ნახოს
21 სექტემბერს აშშ-ის სახელმწიფო მდივნის ჰილარი კლინტონისა და საქართველოს პრეზიდენტის მიხეილ სააკაშვილის შეხვედრის შესახებ კომენტარის დროს
სახელმწიფო მდივნის მოადგილემ ფილიპ გორდონმა განაცხადა, რომ აშშ-ის მიზანია, აფხაზეთი და ე.წ. სამხრეთ ოსეთი საქართველოს შემადგენლობაში ინტეგრირებული ნახოს. მისივე თქმით, რუსეთმა აუცილებლად უნდა შეასრულოს შეთანხმებების პირობები, მათ შორის ჯარების კონფლიქტამდე პოზიციებზე დაბრუნების შესახებ და ეს ნაბიჯები დაუყოვნებლივ უნდა გადადგას.