გენერალი რეტკო მლადიჩი დააკავეს
სერბეთში გენერალი რეტკო მლადიჩი დააკავეს. ოფიციალურმა ბელგრადმა მლადიჩის ჰააგას ტრიბუნალისთვის გადაცემასთან დაკავშირებული პროცედურები უკვე დაიწყო.
გაეროს უშიშროების საბჭომ სერბეთს ეს ნაბიჯი მოუწონა. რეტკო მლადიჩი 1992-1995 წლების კონფლიქტისას სამხედრო დანაშაულშია ეჭვმიტანილი, თუმცა ბევრი სერბი მას გმირად მიიჩნევს. 1992 წელს ბოსნია-ჰერცეგოვინა იუგოსლავიის შემადგენლობიდან გამოვიდა, რასაც ბოსნიელი მუსლიმანების, სერბებისა და ხორვატების მონაწილეობით ომი მოჰყვა. კონფლიქტმა 100 ათასამდე კაცი შეიწირა.