არასრულწლოვანი პოლიციელებს გაუპატიურების მცდელობაში ადანაშაულებს
ტელეკომპანია "მაესტროს" ინფორმაციით, ინციდენტი მოხდა ზუგდიდის პოლიციაში, სადაც ძარცვაში ეჭვმიტანილი მეთერთმეტეკლასელი იმყოფებოდა. მისი მშობლების თქმით, ხუთმა პოლიციელმა ბიჭს ჯერ სცემა და შემდეგ კი ერთ-ერთმა, კოხტა კოდუამ განუცხადა, რომ ახლა გააუპატიურებდნენ.
"მაესტროს" ინფორმაციით, ბიჭმა კოდუას თავში მძიმე საგანი ჩაარტყა, რის გამოც ის საავადმყოფოში გახდა გადასაყვანი. მოზარდის მშობლების თქმით, მათი შვილი ნერვიულობის ნიადაგზე ცუდად გახდა.