ქართული ბაღი ამერიკაში - გზა საინგილოდან კონექტიკუტამდე
11-04-2016
ქართული ბაღი ამერიკაში - გზა საინგილოდან კონექტიკუტამდე
"ჩემს ქართულ ბაღში შროშანის 60-მდე­ სახეობაა"

"მამაჩემის დამყნილი ვაზი წამოვიღე და გავახარე, უკვე მოსავალს გვაძლევს"


ნანა დუკაშვილი-ზემლოკი საინგილოში დაბადებული ქართველია, რომელიც ამჟამად ამერიკაში ცხოვრობს და ცდილობს, სხვა კონტინენტზე შექმნას პატარა საქა­რთველო, პატარა საინგილო, რათა მომავალ თაობას წარმომავლობა არ დაავიწყდეს.

- ამერიკაში, კონექტიკუტის შტატში, 2006 წლიდან ვცხოვრობ. მყავს მეუღლე - მაიკლ ზემლოკი და ორი ვაჟი, ბექა და ნიკოლასი. რომ გავთხოვდი, ქმარს ვუთხარი: მე ქართველი ვარ და ეზოში ვაზი უნდა მქონდეს-მეთქი. საქართველოდან
მამაჩემის დამყნილი ვაზი წამოვიღე და გავახარე, უკვე მოსავალს გვაძლევს ქართული მსხალი და ლიმონი. ჩემს მშობლებს ყვავილები ძალიან უყვართ და მეც შემაყვარეს, ამიტომ შროშანების დიდი ბაღი გავაშენე.

- როგორ ამრავლებთ შროშანს?

- შროშანის პატარა ბოლქვებს ტორფიან მიწაში ვრგავ, შემდეგ პოლიეთილენის პარკებში ვინახავ და ბოლქვები სრულყოფილი რომ
გახდება, სპეციალურ კონტეინერში ვათავსებ. ამერიკიდან ონლაინრეჟიმში მონაწილეობა მივიღე კონკურსში, რომელიც საქართველოში იმართებოდა და გავიმარჯვე. "ქართულმა ბაღმა უცხო მიწაზე" პირველი ადგილი მოიპოვა. შროშანს არ უყვარს ნესტიანი ნიადაგი, გადარგვისას კი მიწა ფხვ­იერი უნდა იყოს. სასუქი სჭირდებათ წელ­იწადში სამჯერ: ადრე გაზაფხულზე, სანამ იყვავილებს და შემოდგომაზე. მოკრეფისას ღერო მთლიანად არ უნდა მოჭრათ, რადგან ბოლქვი ამ ღეროთი იკვებება და აგროვებს მინერალებს.

- რა სახეობის შროშანები გაქვთ?
- ჩემს ქართულ ბაღში შროშანის 60-მდე­ სახეობაა. მაქვს ჰიბრიდული ჯიშის Oriental Lilly-ები, რომლებიც ადვილად მრავლ­დება, ყოველწლიურად ორმაგ ბოლქვს იკეთებს და ერთ ღეროზე 5-ზე მეტი ყვავილი­ აქვს. Royal Lilly-ის სახეობა იშვიათია, მას ვარდისფერი შეფერილობა და ლამაზი ფორმა აქვს... საქართველოდან წამოვიღე ველური მიხაკი, დეკემბერა და კალა. მათ არ უყვართ სიცივე, ამიტომ ზამთარში­ სახლში ვუვლი. მაქვს ქრიზანთემებიც, მათი თესლი საინგილოდან წამოვიღე.

ძალიან მენატრება საქართველო, საინგილო და ჩემი სახლი, სადაც გავიზარდე, ამ გაუსაძლის მონატრებას ვერაფერს შევადარებ. ამიტომ ვცდილობ, ჩემი ეზო პატარა საქართველოდ გადავაქციო.

ეკა გადახაბაძე
madona aslamazashvili
09 აგვისტო 2016 13:45
შენ ჩემო ზემლიაკო, წარმატებებს გისურვებ, მაგარი გოგო ხაარ
Xatoo
09 აგვისტო 2016 12:06
Mecc maqvs qartuli saferavi evropashi chamotanili. Magram samcuxarod ver asrefs damcifebas belgii s uvargis amindebhi. . Maraa guls xom uxariaaa
leila gigauri.
09 აგვისტო 2016 10:23
გაიხარე შენს პატარა ოჯახთან ერთად.შენ ქართულ მონატრებას ყვავილებთან მოფერებით რომ ისრულებ.მარჯვენას დაგილოცავ

რედაქტორის რჩევით
რუბრიკის სხვა სიახლეები