ბამბუკის ტყის კერძები
03-07-2017
ბამბუკის ტყის კერძები
"ნედლი ბამბუკის ყლორტს ჭყინტი სიმინდის გემო აქვს"

"ბამბუკისგან 58 დასახელების კერძი დავამზადეთ. ამ მცენარის საკვებად გამოყენება, ჩვენთვის, როგორც ტურისტული რეგიონისთვის, საინტერესოა"


ბამბუკს უამრავი სასარგებლო თვისება აქვს. იაპ­ონიასა და ჩინეთში­ მას საკვებად მოიხმარენ. ის პანდების საყვარელი საჭმელიცაა. გარდა ამისა, ბამბუკს სამშე­ნებ­ლო მასალად თუ ავეჯის დასამზადებლად იყენებენ.
ბამბუკი საქართველოში,­ ძირითადად, დასავლეთში ხარ­ობს. თითო-ოროლას აღმო­სავლ­ეთშიც შეხვდებით. ბათუმის ბოტანიკურ ბაღში 25 სახეობის ბამბუკია. ამ მცენ­არის სამი სახეობისგან აჭარაშიც დაიწყეს კერძებისა და ტკბილეულის დამზადება.­ რომელი
ჯიშის ბამბუკის გან რა კერძებს ამზადებენ, ამის შესახებ ბათუმის ბოტანიკური ბაღის დირექტორი, დეკორატორი ნანა კონცელიძე­ გვესაუბრება.

- ბათუმის ბოტანიკური ბაღი მსოფ­ლიო მნიშვნელობისაა ღია ცის ქვეშ დიდტანოვანი მცენარეებით. მისი ფლორისტული სიმდიდრე მცენარეთა წარმოშობის მიხედვით 9 ფიტოგეოგრაფიულ განყოფი­ლებაშია თავმოყრილი. მათ შორისაა ბამბუკის კოლექციის განყოფილება. უკვე ტრადიციად იქცა
და წელიწადში რამდენჯერმე ვაწყობთ გამოფენებს. ამჟამად მწვანე კონცხზე 25 სახის ბამბუკია წარმოდგენილი, მათგან რამდენიმე სახეობა საკვებად გამოიყენება. წლევანდელ გამოფენაზე ექსპონატებს შორის იყო ბამბუკისგან დამზადებული საყოფაცხოვრებო ნივთები, სუვენირები, სტუმრებს გავუმასპინძლდით ბამბუკის კერძებითა და ტკბილეულით. ბამბუკით შეიძლება დამზადდეს მწნილი, სალათები, ფხალი და ტკბილეული. წელს პირველად წარვადგინეთ ბამბუკის მურაბა, რომელიც ერთგვარი ექსპერიმენტი იყო და თამამად შეგვიძლია ვთქვათ, რომ შედეგმა მოლოდინს გადააჭარბა. უგემრიელესი მურაბა გამოვიდა. საკვებად სამ სახეობას - მოსოს, მატაკესა და საზას ვიყენებთ, მათი ფოთლები კი თევზის შესაწვავად და მჭადის გამოსაცხობად შესანიშნავია, საუცხოო არომატს აძლევს.

- რა ტექნოლოგიით ამზადებთ ბამბუკისგან საკვებსა და მურაბას?

- მხოლოდ გაზაფხულზე, 20 აპრილიდან 20 მაისის ჩათვლით, ბამბუკის ამ სამი სახეობის ახალამოსულ ყლორტებს, რომელთა სიმაღლე არ უნდა აღემატებოდეს 40 სანტიმეტრს, ვჭრით.
გარე ყლორტი შემოსილია ბამბუკის ცრუ ფოთლებით, რომელიც მას შალითასავით ეკვრის. მისგან ვათავისუფლებთ და შიგნით ნედლი ბამბუკის ყლორტი გვხვდება. დაახლოებით ჭყინტი სიმინდის გემო აქვს. საკვებად გამოყენებამდე მას თერმულად ვამუშავებთ, ხოლო შემდეგ სხვადასხვა კერძს ვამზადებთ. შესაძლებელია მისი კონსერვირებაც.

- რამდენი სახეობის კერძის მომზადებაა შესაძლებელი?

- ერთ-ერთ გამოფენაზე დავთვალე და ზუსტად 58 დასახელების კერძი დავამზადეთ. ვფიქრობთ, ამ მცენარის საკვებად გამოყენება, ჩვენთვის, როგორც ტურისტული რეგიონისთვის, საინტერესოა.
ამ პროდუქტის კალორიულობა 100 გრამზე 27 კალორიას შეადგენს. მდიდარია ცილებით, ამინომჟავებითა და მინერალებით, ვიტამინების ნამდვილი"საწყობია. გარდა ამისა, უხვად შეიცავს ფოლიუმს, რომელიც სისხლის ახალი უჯრედების წარმოქმნას უწყობს ხელს. იდეალური საკვებია მათთვის, ვისაც ზედმეტი წონა აწუხებს.

თორნიკე ყაჯრიშვილი

მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით
რუბრიკის სხვა სიახლეები