პოლიტექსპერტის ლუნა-მთვარისა
პოლიტექსპერტის ლუნა-მთვარისა
"ჩემი ლუნა-მთვარისა ყველაზე ლამაზი ძაღლია მთელ სამყაროში - ცელქი, ალერსიანი, ხასიათიანი. ადამიანივით შეუძლია განაწყენება, სიხარული, ზოგჯერ შურისძიებაც",­ - გვეუბნება პოლიტიკის ექსპერტი ხათუნა ლაგაზიძე, რომელიც ცხოველების დიდი გულშემატკივარი აღმოჩნდა და სიყვარულით საუბრობს 3 წლის ბიგლიზე, რომელსაც ოჯახში მნიშვნელოვანი ადგილი უკავია.

- ეს ჩემი მეორე ბავშვია. ვამბობ, რომ მყავს ორფეხა და ოთხფეხა ქალიშვილები - ანა (ჩემი შვილი) და ლუნა, ლუჩი, იგივე მთვარისა. მართალია, მისი ენა არ გვესმის, მაგრამ თავის ემოციებს ხმის ტემბრით,
ინტონაციით გამოხატავს. შეუძლია ოჯახის წევრებთან 7-10-წუთიანი დიალოგი გამართოს და თავისი გულისწყრომა და მოთხოვნები გამოხატოს. მეტად საინტერესო არსებაა, ამასთან, ულამაზესი, მაგრამ როგორც ყველა ბიგლი, უჯიუტესია, ოჯახის ყველა წევრი დაგვიმორჩილა, განსაკუთრებით მე.

- აქამდე ძაღლი არ გყოლიათ?­
- სპანიელი "გოგონა" მყავ
და. როცა ჩვენს ოჯახში შემოვიდა, ყველანი ქალები ვიყავით და გადავწყვიტეთ, ძაღლს მაინც ჰქონოდა მამაკაცის სახელი, ამიტომ ბუბა დავარქვით. 15 წლამდე ჩვენთან ცხოვრობდა­. 15 წლის რომ გახდა, იმ დღეს მოკვდა, რაც ჩვენთვის დიდი დარტყმა იყო. ძაღლის პატრონებმა იციან, რაოდენ­ ძნელია ოთხფეხა მეგობრის დაკარგვა. ამიტ­ომ პირველი განცდა ის არის, რომ ძაღლს აღარასოდეს მოიყვან. ჩემი რეაქციაც ასეთი იყო.

- მაგრამ ლუნა მალევე მოიყვანეთ?
- ბუბას დაკარგვიდან ერთ წელი­წადში,­ 14 იანვარს, მარიამ გერსამიას ფეისბუკის­ გვერდზე ულამაზესი არსება აღმოვაჩინე,­ რომელიც დახატული თვალებით მიყურ­ებდა. ეს ერთი ნახვით შეყვარება იყო. რომ დავინახე, აღარ მახსოვდა, რა ტკივილი­ გამოვიარე ბუბას დაკარგვით, არც ის, რომ ძაღლი სახლში მაინც დისკომფორტია, მიუხედავად იმისა, რომ ლუნა ჩვენი ანტიდეპრესანტია. მოკლედ, მივწერე მარიამს, კიდევ­ თუ ჰყავს მის პატრონს გაუსხვისებელი­ ლეკვები-მეთქი? კიო და, იმავე საღამოს მე და ჩემი ქალიშვილი გავქანდით პატრონთან. ჩემს ქალიშვილს რომელიც­ მოეწონა, თავის ოთხფეხა დაიკოდ ის აირჩია. დავარქვით ლუნა-ლუჩი და ამ ორ სახელს ერთმანეთს ვუნაცვლებდით, ხოლო პოპულარულ ტელესერიალში გამოჩენილი პერსონაჟის შემდეგ, მთვარისაც შეერქვა...

- ბიგლის ოინები ცნობილია და ვფიქრობ, თქვენი ლუნაც არ ჩამორჩება...
- 31 დეკემბერს ოჯახით ურეკში ვიყავით. იქ საოჯახო სასტუმრო გვაქვს. უცებ საფულე დამჭირდა, სადაც მთელი საბუთ­ები: საბანკო ბარათები, პირადობის თუ მართვის მოწმობები მედო, მაგრამ ყველა გაქრა. სასწრაფოდ დავრეკე ბანკში და ვაცნობე ბარათების დაკარგვის ამბავი. მერე გამახსენდა, რომ რამდენიმე თვის წინ ოთახში მარტო დარჩენილმა ლუნამ ჩემი ჩანთა­ გახსნა, ამოიღო საფულე და 5-ლარიანი გადასანსლა. ვიფიქრე, იქნებ იგივე გააკეთა-მეთქი და მართლაც ტახტის ქვეშ შეუგდია, სადაც შეძრომა ვეღარ­ მოასწრო. მოკლედ, ყველაფერი უვნებლად დამიბრუნდა.

- როგორია ბიგლის მოვლის წესები,­ ანუ როგორ უვლით თქვენს ონავარ "გოგონას"?
- ვისაც უნდა, შინ ცელქი და ძნელად აღსაზრდელი ბავშვი ჰყავდეს, ეს ბიგლია. ხშირი სეირნობა უნდა, რისი დროც, სამ­წუ­ხაროდ, არა მაქვს და ამის გამო ჩემი ლუნა ძალიან გაპუტკუნდა... პირველად რომ ავც­ერი, გამაფრთხილეს, ალერგიული ჯიშია და შესაძლოა გართულება ექნესო. მართლაც, ღამის 2 საათზე კანკალი დააწყებინა და ძლივს ვიშოვე "დექსამეტაზონი".
ანტიდეპრესანტია - სავარძელში თუ ჩავჯექი, მაშინვე­ ჩამისკუპდება, ჯერ ფშვინვას იწყებს, მერე ხვრინვას. სხვა ჯიშისგან სიჯიუტე გამოარჩევს. ინტონაციით, პაუზებით ყველაფერს გახვედრებს.

- რით კვებავთ?
- სპეციალური საკვები აქვს. ვიტამი­ნებს­ ვაძლევთ. თუმცა ნებისმიერი საჭმელი­ უყვარს, რასაც ჩვენ ვჭამთ. თუ ოდნავ უყურ­ადღებოდ დატოვე, შესაძლოა კარადა გამოაღოს და გამოაცარიელოს ყველაფ­ერი. დიდი ხულიგანია, მაგრამ სიტუაციის­ განეიტრალების უნიკალური­ თვისება აქვს. მისმა სიყვარულმა­ პატარა ზოოპარკის მეპატრონე გამხადა­ - ურეკის სასტუმროში მიკროზოოპარკი გვაქვს ეგზოტიკური კურდღლებით, ქათმებით, ფარშავანგებით. წლეულს პირველი ფარშავანგი­ შეგ­ვეძინა, მაგრამ ჩვენთან ცოტაა ეგზოტიკური ფრინველების სპეციალ­ისტი და თვე-ნახევრის ფარშავანგი დაგვეღუპა, ერთი მამალი ულამაზესი თეთრი ფარშავანგიც... მოკლედ, ლუნას სერიოზული­ ადგილი­ უკავია ჩვენს ცხოვრებაში. ჩემს მეუღლეს არ უყვარდა ძაღლები, მაგრამ ლუნამ მოახ­ერხა და თავი შეაყვარა. საერთოდაც,­ ცხოველებს­ როლი ოჯახში დიდია. ბავშვები სულ სხვანაირები იზრდებიან - თბილ­ები, მოწყალეები... ამიტომ ამ ტკივილისგან, გაჭირვებისა და ბოღმისგან დაღლილ საზოგადოებაში, ვისაც შეუძლია, ცხოველი სახლში უნდა იყოლიოს. დამერწმუნეთ, შვილების­ უკეთესი აღმზრდელი არ არსებობს...
მკითხველის კომენტარი (0)
კომენტარი ჯერ არ გაკეთებულა.
იყავი პირველი!

როგორ აფასებთ საპენსიო რეფორმას?
თქვენი აზრი მნიშვნელოვანია!
როგორ აფასებთ საპენსიო რეფორმას?
თვის კითხვადი სტატიები