უშვილოთა და ყრმათა სასწაულმოქმედი მფარველი - სარკის წმინდა გიორგი
უშვილოთა და ყრმათა სასწაულმოქმედი მფარველი - სარკის წმინდა გიორგი
უამრავი სიწმინდე გაგვაჩნია-თავად ჩვენი ქვეყანაც ხომ უდიდესი სიწმინდეა, ღვთისაგან ბოძებული და ყოვლადწმინდა ღვთისმშობლის წილხვდომილი. არც სასწაულმოქმედი ხატების სიმცირეს ვუჩივით. ახლა სწორედ ერთ-ერთ მათგანზე მინდა გიამბოთ და მას სარკის წმინდა გიორგი ჰქვია.

ეკლესია, რომელშიც ეს ხატია დაბრძანებული, ქარელის რაიონში მდებარეობს. ეკლესიასაც და ხატსაც თავისი საოცარი ლეგენდის შარავანდედი ჰმოსავს: გადმოცემით, ქარელის რაიონის სოფელ საღოლაშენთან მდებარე ადგილს "დასასრულს" უწოდებდნენ, რაც წმინდა, ხელშეუხებელს ადგილს ნიშნავდა – ამ ადგილს არც ხნავდნენ, არც თესავდნენ. ხელშეუხებლობის ნიშნად
კი მდელოს ხნულის შემოვლებით სარყავდნენ. ერთ-ერთი შემოსარყვის დროს გუთნისდედას ჩასძინებია და საკვირველი ჩვენება უნახავს, მაგრამ გამოღვიძებულს არავისათვის უთქვამს, მხოლოდ ჩუმად დალოდებია ნიშნის მიცემას. მართლაც, უღლეული შემდგარა და ხარები ადგილიდან ვერ დაუძრავთ. გამწარებულ მეხრეს შოლტი გადაურტყამს მათთვის და ლანძღვა დაუწყია. მეყვსეულად ძირს დაცემულად და სულიც განუტევებია,
ხოლო ხნულიდან დიდმოწამე გიორგის ქვაში ნაკვეთ ხატს გამოუნათებია. ეს ხატი, ჩვენების ნების თანახმად, გაუხედნავ ხარებზე დაუდვიათ და გაუშვიათ. სადაც ხარები გაჩერდებოდნენ, იქ უნდა აეგოთ წმინდა გიორგის სახელობის ეკლესია. თრიალეთის ქედისაკენ მიმავალმა ხარებმა მხოლოდ ერთგან შეისვენეს მცირე ხნით, შემდეგ კი კვლავ განაგრძეს გზა. ბოლოს ხარები არაქათგამოცლილნი დაწოლილან. სწორედ აქ ააგო რამდენიმე მონაზონმა მონასტერი, რომლიც დღეს სარკის (სარყის) წმინდა გიორგის მონასტრად იწოდება.

სარკის წმინდა გიორგი განსაკუთრებით უშვილოთა შემწეა, ჩვილთა მფარველი. ძველ დროში მომხდარ სასწაულებს თუ ლეგენდის საბურველი ჰბურავს, არც ჩვენს დროში მომხდარი სასწაულების სიმცირეს უჩივის – დღესაც ნახავთ უამრავ წყვილს, რომელთაც ამ ხატის მოლოცვის შემდეგ შეეძინათ შვილი. მადლიერების ნიშნად ეს ოჯახები ეკლესიას აკვნებს სწირავდნენ და წლების წინაც ეკლესიის გარშემო, თურმე, უამრავი აკვანი იდგა. ყოფილა შემთხვევა, რომ ურმით მის კარამდე მიყვანილი დავრდომილი თავისი ფეხით შესულა მონასტრის ეზოში.

ყრმათა მფარველი და უმწეოთა შემწე წმინდა გიორგი ფარავდეს ყველა ბავშვსა და გაჭირვებულს!



ნინო
14 დეკემბერი 2019 05:24
გეხვეწები წმინდა გიორგი,მაჩუქე შვილი..ვეღარ ვიტევ ამდენ დარდს და ტკივილს..მთელი არსებით გევედრები მაჩუქე შვილი და მე ვეცდები მორწმუნე,ღვთის და მოყვასის სიყვარულით გავზარდო. შეისმინე ჩემი ვედრება და დამეხმარე. მთელი გულით გევედრები. რამდენი წელია ეს დარდი დამაქვს გულით და ვგრძნობ ძალიან მემძიმა..ვგრძნობ,რომ უზომოდ მიჭირს. მუხლმოდრეკილი და წრფელი გულით გევედრები მაჩუქე შვილი.
giorgi
17 ნოემბერი 2017 14:09
ყველამ უნდა მოილოცოს ეს წმინდა ძლიერი სალოცავი რომელზეც დიდი მადლი გადმოდის
გწამდეთ და მოგეცემათ
08 ნოემბერი 2016 21:22
მოგესალმებით. მეც ვიყავი ურთულეს სიტუაციაში... პირველი შვილის მერე უამრავი დაავადება მეწვია და ექიმების თქმით მეორე შვილი საოცნებოდაც აგარ გირდა გავიყიდე მკურნალობით ვერაფრით ვეგუებოდი რომ აგარასოდეს მეორე შვილი არ მეყოლებოდა. ერთ დგეს ყველა წამალზე ვთქვი უარი და მივენდე უფალს... ოჯახით ძამის ხეობაში ვისვენებდით... 13 აგვისტოს დილით დაუგეგმავად გავუდექით ტაძრის გზას ჩემი 5 წლის ბიჭიც თან მახლდა თავისი ფეხით იარა სირბილით აღმართები აიარა... მეც დიდი რწმენით მივეშურებოდი ვიცოდი იქამდე თუ ფეხით ვივლიდი ყველაფრისგან განვიკურნებოდი მწამდა ამის გულში და ვლოცულობდი... გზაში შეუძლოდ გავხდი უკან ვაპირებდი დაბრუნებას ( 5.. 6..თვეში ისიც წამლებით მოდიოდა ციკლი) გამიკვირდა იმის რაც დამემართა.... ვიყოყმანე მაგრამ უკან არ გამოვბრუნდი ავედი ეზომდე და ხესთან შევჩერდი. ვთხოვდი მისი ნებით ყველაფერი შეცვლილიყო. მიუხედავად. იმისა არ მომილოცია ხატები უფალმა ისმინა ჩემი სურვილი.... 13 აგვისტოს ავედით და 13 სექტემბერს ანალიზმა ფეხძიმობა მიჩვენა. გადავიმოწმე შემდეგ ყველა ანალიზი და აქ სასწაული კიდე რომ ჯანმრთელი ორგანიზმი აღმომაჩნდა. დგეს ბედნიერი ვარ მესამე თვეში ვარ დიდი სიხარულით ველით და პატარა რომ დაიბადება ისევ ფეხით ავალ შვილებთან ერთად და მოვილოცებ (იქ ბომბორაც ცხოვრობს კეთილი დარაჯია). მინდა ყველას გთხოვოთ რწმენით მოილოცეთ და ადით აუცილებლად რადგან თქვენს თხოვნას შეისმენს. სასწაული ძალა აქვს.გეწეოდეთ უფალი. გადადეთ ყველაფერი და ადით.

რუბრიკის სხვა სიახლეები
როგორ შეაფასებთ გიორგი გახარიას წლიურ ანგარიშს?
თქვენი აზრი მნიშვნელოვანია!
როგორ შეაფასებთ გიორგი გახარიას წლიურ ანგარიშს?