ერთად ცხოვრება ტანჯვა თუ ბედნიერება, ანუ უნდა იცხოროს თუ არა წყვილმა მშობლებთან ერთად?!
ერთად ცხოვრება ტანჯვა თუ ბედნიერება, ანუ უნდა იცხოროს თუ არა წყვილმა მშობლებთან ერთად?!
ეს ის კითხვაა, რომელიც განსაკუთრებით ახალდაქორწინებულებს აწუხებთ და ხშირად ფიქრობენ, რა არის უკეთესი, გადავიდნენ ცალკე თუ დარჩნენ მშობლებთან ერთად.

ბევრ ჩემს მეგობარს ამის გაგონებაც არ უნდა. ცხოვრება დედამთილთან ლამის ჯოჯოხეთთან ასოცირდება მათთვის და ფიქრობენ, რომ წყვილს შორის დაოჯახების შემდგომ შექმნილი ძალიან ბევრი პრობლემა "მეორე დედის" დამსახურებაა. ამიტომ, მათთვის ერთად ცხოვრება თუნდაც თავიდან, ვარიანტად არ განიხილება.

მიუხედავად იმისა, რომ ამ თემაზე ჩემს გამოცდილებაზე დაყრდნობით, მეც იგივეს უნდა ვამბობდე და სასტიკი წინააღმდეგი ვიყო სხვადასხვა თაობების თანაცხოვრების, მაგრამ მთალად ასეთი რადიკალურიც არ ვარ…

ხშირად მსმენია რძალ-დედამთილის ჩხუბის შესახებ და ზოგჯერ იმდენად აბსურდული და ელემენტარული მიზეზის გამო, სასაცილოდაც რომ არ გეყოფოდათ, რის გამო ტკენენ ასე ერთმანეთს გულს.

რძალ-დედამთილის ურთიერთობაში მთავარი პრობლემა ალბათ კაცის ვერ გაყოფაა . შვილზე "გადამკვდარი" დედა ვერ თმობს საყვარელ შვილს და ჰგონია რომ მას ართმევენ, ან რძალი ეჭვიანობს დედამთილზე და აი, აქ იწყება პირველი გაუგებრობა, რომელიც დაუსრულებელ კამათში გადაიზრდება ხოლმე.

არადა, ხომ შეიძლება მშვიდად და სიყვარულის გარემოცვაში იცხოვროს ყველამ. ზედმეტად არ ჩავერიოთ ერთმანეთის ცხოვრებაში და პრობლემებში, მივცეთ თავისუფლება და გვერდით დავუდგეთ ერთმანეთს მაშინ, როცა ამის საჭიროება
იქნება. რატომ ჩხუბობენ ამდენს? რატომ არ ეზარებათ? რატომ არ შეუძლიათ უბრალოდ ბედნიერები იყვნენ?

არ შეიძლება რომელიმე მხარე გამოვყოთ, დამნაშავე ხშირად ორივეა უბრალოდ არც ერთი არ აღიარებს ამას და ეს, რა თქმა უნდა, უფრო მეტ გაუგებრობას იწვევს.

ერთხელ მახოსვს, ამ თემის განხილვისას ვთქვი, თუ არის შანსი გქონდეს კარგი ურთიერთობა და იმის პირობები, რომ თუნდაც ერთ სახლში ყველას ჰქონდეს თავისი ადგილი და სივიწროვე დამატებით უხერხულობას არ ქმნიდეს, რა პრობლემაა ერთად ცხოვრება, პირიქით, ვფიქრობ უფრო მეტი მხიარულება სიყვარული და სითბო იქნება ოჯახში, როდესაც ის დიდია და ყველა პატივს სცემს ერთმანეთს და ითვალისწინებენ ერთმანეთის აზრს. პასუხად კი მივღე ასეთები მხოლოდ ფილმებში ხდებაო.

არ ვიცი შეიძლება ზოგისთვის ეს მართლაც ასეა, მაგრამ მე მაინც მგონია, რომ თუ ცოტა ხინთ მაინც დავივიწყებთ ეგოიზმს, შევეგუებით იმას რომ ცხოვრებაში ყველაფერი იცვლება და ჩვენი კომფორტის ზონიდან გამოვალთ, თუ გავუწევთ ანგარიშს ერთმანეთის სურვილებს, აზრებს და მოთხოვნილებებს, არ ჩავუგდებით ჯიბრში და არ მოვახვევთ საკუთარ აზრს ერთმანეთს, თანაცხოვრება ადვილი და შეიძლება სასიამოვნოც კი გახდეს. თუ შესაძლებელია ერთმანეთის სიყვარული უბრალოდ ვერ ვხვდები რატომ არ უნდა გამოვიყენოთ ეს შანსი და არ შევეცადოთ ერთად ვიყოთ ბედნიერები, ოღონდ ნამდვილად ბედნიერები და არა საზოგადოებისთვის მოსაჩვენებლად.

თქვენ როგორ ფიქრობთ? მიზანშეწონილია ორი თაობის ერთად ცხოვრება?
...
26 აგვისტო 2017 22:31
როგორი მოკლეა ცხოვრება, ჩვენ კი რაზე ვსაუბრობთ,თუ ნამდვილად გვიყვარს ერთმანეთი,ერთად ცხოვრება რატომ არ გვინდა? თუ არ გვიყვარს ერთად რატომ ვართ? რძალი ვინ არის, შვილი არ არის?როცა წავალთ ამ ქვეყნიდან ხომ მარტო მივდივართ. მე დიდ ოჯახში ვცხოვრობდი და ვცხოვრობ ეს ნამდვილი ბედნიერებაა.
Tika
10 ნოემბერი 2016 16:42
Sanam calke at icxovreb ver warmoidgen es ra bedniereba da komfortia .problema shvilis gayofashi araa mtavari yoveldgiuri yofiti ambebi da tavisuflebaa .magalitad yvela qals aqvs ufleba tavis ojaxshi tundac yirze dadges da ise iaros, dedamtil mamamtiltan ki amis gaketeba minimum uxerxulia.dedamtilic bevri Ramis gamo ganicdis uxerxulobas rdzaltan es Marto rdzlis problem as araa.me calke vcxovrob da shenobit mimartva ar shemidzlia mistvis.ase pativiscemit cxovreba at jobia Yoveldgiur uazro kinklaobas?.mec 2 bichis deda var
dedamtili
10 ნოემბერი 2016 12:35
Zalian kargi rzali myavs.gogo ar myavs da martlac shvilivit mivige magram cal-calke cxovrebas mainc araperi sjobs.meti pativiscemaa ertmanetis mimart
რუბრიკის სხვა სიახლეები
როგორ აფასებთ საპატრულო პოლიციის მუშაობას?
თქვენი აზრი მნიშვნელოვანია!
როგორ აფასებთ საპატრულო პოლიციის მუშაობას?
თვის კითხვადი სტატიები