მამაკაცებო, ნუ გგონიათ, რომ ქალი თქვენზე უკეთესს სხვას ვერ ნახავს!
მამაკაცებო, ნუ გგონიათ, რომ ქალი თქვენზე უკეთესს სხვას ვერ ნახავს!
გუშინ სადღაც ამოვიკითხე, მამაკაცებს უნიკალური შესაძლებლობა აქვთ, აწყენინონ ქალებს და შემდეგ იმაზე გაბრაზდნენ, რომ ქალებს ეწყინათო. ამაზე დიდი სიმართლე არც გამიგია, მგონი… ზოგჯერ მართლაც მგონია, რომ კაცები უბრალოდ ვერ ხვდებიან რა სწყინთ ქალებს.

აი, მაგალითად, ჩემს მეგობარს ძალიან სწყინს და აღიზიანებს, მის პარტნიორს აზრადაც რომ არ მოსდის, კვირაში ერთხელ მაინც საყვარელ ადამიანს ლანჩზე ერთად წასვლა შესთავაზოს. თუ დრო არ გაქვს, ხომ შეიძლება, უბრალოდ, სამსახურში გაუგზავნო მისი საყვარელი ყავა და ყვავილების
თაიგულიც მიაყოლო? არა, რა საჭიროა, ზედმეტი ყურადღება, თუ უყვარხარ, მაინც შენთან იქნება, მამაკაცებო, აღიარეთ, რომ უმრავლესობა ასე ფიქრობთ. კიდევ იმასაც ფიქრობთ, რომ უკვე თქვენია, უყვარხართ და სად წავა. ნურას უკაცრავად... ძალიან კარგადაც წავა.

ერთ დღესაც ამოუვა ყელში თქვენი უყურადღებობა, უემოციობა, უსექსობა და ადგება და წავა.
მართლა არ მესმის, საიდან აქვთ მამაკაცებს ეს თავდაჯერებულობა, რომ ქალი მათზე მაგარს სხვას ვერ ნახავს. კარგით რა, გამოდით 17 წლის თინეიჯერი ბიჭების ასაკიდან და ცოტა მაინც გაიზარდეთ.


გარეთ 21 - ე საუკუნეა და დღევანდელი, დამოუკიდებელი ქალები არავის გამოეკიდებიან... რადგან თქვენ ვერ ხვდებით, რომ ადამიანს სითბო და ზრუნვა სჭირდება, მიხვდება სხვა. ყველა მართლა ერთნაირი შეუგნებელი ხომ არ იქნება ამ ქვეყანაში...

კიდევ ერთი პრობლემა - საჩუქრები.
არავინ გთხოვთ, ქალს ყოველ კვირა ძვირადღირებული სუნამო და სამკაულები აჩუქოთ. შეიძლება რაღაც, ელემენტარული, ყურადღების გამომხატველი ჟესტით აფიქრებინოთ, რომ მხოლოდ მასზე ფიქრობთ!

მაგრამ არა, ეს რა საჭიროა? მოვა ახალი წელი ან დაბადების დღე და რაღაცას აჩუქებთ... ან კიდევ ქალთა დღე, დედის დღე, მოკლედ, აუცილებლობას როცა წარმოადგენს, თქვენი გადმოსახედიდან მხოლოდ მაშინ შეიძლება საჩქურის გაკეთება... ის, რომ თქვენი საყვარელი ქალი სულ ცდილობს გაგახაროთ და გასიამოვნოთ, ეს არაფრად ჩასაგდებია...

კარგით, მართალი ხართ, ყველა ასეთი არ არის, ყველას არ ენანება დრო, ფული და ენერგია საყვარელი ქალისთვის, არც ხელის განძრევა ეზარება იმისთვის, რომ პარტნიორი გააბენდნიეროს.

არც მე ვამბობ, რომ ყველა კაცი ერთნაირია...

ზუსტადაც, გამომდინარე იქიდან, რომ ყველა კაცი ასეთი უყურადღებო არაა და ყველას არ ესიკვდილება ელემენტარული ყურადღების გამოვლენა, თქვენი იდილია, რომლის შესანარჩუნებლადაც არაფერს აკეთებთ, შეიძლება მირაჟი გამოდგეს.

მინდა, მივმართო იმ მამაკაცებს, რომლებიც ასე იქცევიან. ძვირფასებო, ყველა თქვენნაირი ნამდვილად არ არის და ერთ დღესაც, მალე თუ არ გამოსწორდებით, თქვენი საყვარელი ქალი იმ ადამიანს შეხვდება, რომლისთვისაც იმის შეხსენება არ იქნება საჭირო, პარტნიორი როგორ გაანებივროს, ჰოდა, მერე კარგად მეყოლეთ...

დასხედით და ივიშვიშეთ, ეს რა მოგვივიდაო... და ყველაფერი ისევ ქალს გადააბრალეთ, როგორც გეხერხებათ ხოლმე.

ისე, მე გაგაფრთხილეთ...

მკითხველის კომენტარი (48)
:))))))))))))))))) - ს
12 ნოემბერი 2016 09:49
,,კაცი? კაცი საჭირო სულაც არ არის,, - როცა კარგი ფილმია, რა სჯობს ღამე განტვირთვისთვის....... კარგი ფილმის ყურებას ! (მითუმეტეს სხვა საქმით თუ ვერ კავდები)



დელიკატურად და არგუმენტირებულად - მოგაწოდეთ აზრი ?
ირაკლი
11 ნოემბერი 2016 09:15
მგონი ეს წასულია, ხელიდან მაინც
:)))))))))))))))))
10 ნოემბერი 2016 17:16
ამდენი მამაკაცის კომენტარიდან ერთი არაა ისეთი,რომელიც სწორად, დელიკატურად და არგუმენტირებულად გამოთქვამდა თავის მოსაზრებას მოცემულ თემაზე! ,,რამდენიმე ინტერვიუ პირად საკითხებზე" ნანახი გექნებათ,თუ არა,უყურეთ,კარგი ფილმია ძალიან,იქ ამბობს ერთ-ერთი პერსონაჟი: ,,კაცი? კაცი საჭირო სულაც არ არის,ოღონდ ეგაა,უმაგათოდ შვილს ვერ გააჩენო"... ჰოდა,სწორია ის ქალი, ამ საქმისთვის ვარგიხართ მხოლოდ ქართველი მამაკაცების უმრავლესობა... :) :)
არქეოლოგი
10 ნოემბერი 2016 16:13
,,ერთ დღესაც ამოუვა ყელში... უსექსობა და ადგება, და წავა...,, - თუ ადგება.. თანაც ისე, რომ ყელშიც ამოვა, სადღა წავა ???

აი მაგას ვერ ხვდებით ქალები......

ჰა ჰა ჰა
ისე, უბრალოდ
10 ნოემბერი 2016 14:00
მე მგონი, ასეთ თემებზე ასე ზედაპირულად წერას სჯობს, საერთოდ არ წერო...
lela
10 ნოემბერი 2016 13:33
ბევრს როგორ არ ესმის... ქალი ითხოვს იმას რომ ოჯახური ცხოვრების სჰემდეგ კაცი არ უნდა იცვლებოდეს. გავა 3 წელი და ვსო. ხელში შენი საყვარელი კაცის ნაცვლად გრჩება ბუზგუნა და უყურადგებო მამაკაცი. მაშინ როდესაც ქალი ცდილობ თიტოეული დგე რაგაც სიურპრიზი იყოს მისთვის. აზრი არ აქვს კაცების უმრავლესობას არ გააჩნია იდილიის და ბედნიერების შენარჩუნეის უნარი. ისე მოუგებენ ბოლოს მთელ ურტიერტობას მერე კიდევ დგანან და გეკიტხებიან რა ხდებაო ))))
zviadi
10 ნოემბერი 2016 11:51
ჯერ სადა ხართ,21-ე საუკუნე კიდევ 84 წელი გაგრძელდება,ამ პათოსით და ტემპით თუ გავაგრძელეთ განვითარება,2100-ში ყველა ქართველი(და არა საქართველოს მოქალაქე) ერთ დიდ კორპორატიულ ფოტოს გადაიღებს,სადაც ყველა ბედნიერი იქნება!
nuca
10 ნოემბერი 2016 11:36
მზა რეცეპტი მართლაც არ არსებობს, უბრალოდ დიდი გამართლება და ბედნიერებაა როდესაც ადამიანი მის, სწორედ რომ, მეორე ნახევარს,მის მონათესავე სულს უკავშირდება.იქ ყველაფერი თავისით ლაგდება.
David 67
10 ნოემბერი 2016 10:11
ეს ბლოგი როდის დაიხურება?
edika
09 ნოემბერი 2016 22:51
ლანჩი არა ტოროლა.

რუბრიკის სხვა სიახლეები
თქვენი აზრით, საარჩევნო კოდექსის ცვლილებათა პაკეტი უზრუნველყოფს თუ არა საქართველოში თავისუფალ, სამართლიან და გამჭვირვალე არჩევნებს?
თქვენი აზრი მნიშვნელოვანია!
თქვენი აზრით, საარჩევნო კოდექსის ცვლილებათა პაკეტი უზრუნველყოფს თუ არა საქართველოში თავისუფალ, სამართლიან და გამჭვირვალე არჩევნებს?
გაზეთის სტატია. მიიღეთ წვდომა
გაზეთის სტატია. მიიღეთ წვდომა