როცა დედა დამნაშავეა, ანუ ქალები, რომლებიც ყოფილი ქმრის გამწარებას შვილებით ცდილობენ
როცა დედა დამნაშავეა, ანუ ქალები, რომლებიც ყოფილი ქმრის გამწარებას შვილებით ცდილობენ
შეიძლება ბევრი ქალი გამინაწყენდეს, მაგრამ მაინც უნდა მოვყვე ერთი ისტორია. რამდენიმე დღის წინ, ერთ-ერთი ნაცნობის განქორწინების ამბავი გავიგე. როგორც ის ჰყვებოდა, ყველაფერში დამნაშავე ქმარი იყო, ის იყო ცუდი მამა, საშინელი ქმარი და ა.შ.

მიუხედავად იმისა, რომ საერთო სანაცნობო წრეში მათი ხშირი ჩხუბების ამბავი ვიცოდით, ბავშვებთან მამის დამოკიდებულებას არაერთხელ შევსწრებივართ და აღვფრთოვანებულვართ კიდეც... გვინახავს, როგორ უცვლიდა შვილს პამპერსს, როგორ აჭმევდა, აძინებდა, ასეირნებდა... მოკლედ, ყველაფერ იმას აკეთებდა, რასაც ქ
ართველი მამების დიდი ნაწილი არ ან ვერ აკეთებს.


თავიდან ჩავთვალეთ, რომ ნინას ლაპარაკი სტრესით და გაღიზიანებით იყო გამოწვეული და დროთა განმავლობაში დამშვიდდებოდა და ბოლოს და ბოლოს თუ ოფიციალურ განქორწინებამდე მივიდოდა საქმე, ეს ყველაფერი მშვიდად მოხდებოდა, ანუ ერთმანეთს დამატებით პრობლემებს არ შეუქმნიდნენ, მითუმეტს, რომ მათ შორის 3 შვილი იდგა.

თუმცა,
გარშემომყოფების მოლოდინი არ გამართლდა, ნინა ადგა და სასამართლოში სარჩელი შეიტანა, რომლის მიხედვითაც ბავშვებზე სრულ მეურვეობას, მამისთვის კი კვირაში ერთხელ ნახვის უფლების მიცემას ითხოვდა.

და რისთვის გადაწყვიტა ყოფილი ქმრის ასე დასჯა?

ამგვარი მოთხოვნისთვის მას რეალურად არანაირი საფუძველი არ ჰქონდა, მაგრამ უკვე ყოფილი ქმრის გამწარება შვილებით გადაწყვიტა, რაც ნამდვილად არ შეეფერება ადეკვატური ადამიანის ქცევას.

კაცები შეიძლება ბევრ რამეში გავამტყუნოთ, ისინი ხშირად თავადაც ხვდებიან საკუთარ შეცდომებს, მაგრამ ქალი, დედა, რომელიც ბავშვებით მანიპულირებას ცდილობს და შვილების მამის წინააღმდეგ აბსურდულ ბრალდებებს აყენებს, საშინლად იქცევა!

საოცარი კი ის იყო, რომ ბოლოს ჩვენგან - მათი საერთო მეგობრებისგან ითხოვდა "გვერდში დადგომას", თქვენ წარმოგიდგენიათ, დაუდგე ადამიანს გვერდში, რომელიც სრულიად უმიზეზოდ ცდილობს მამას შვილები წაართვას?

რა თქმა უნდა, უარი ვუთხარით, გაბრაზდა და ყველასთან გაწყვიტა კონტაქტი.

ვინ ვის არ დაშორებია და ვის არ "გაუყვია" ბავშვების ნახვის განრიგი. ნუთუ, შეიძლება ამდენწლიანი ურთიერთობა ერთ წამში დაივიწო, გაწირო შვილები უმამო ცხოვრებისთვის და კაცს, რომელიც ერთ დროს გიყვარდა, ცხოვრება ასე დაუნგრიო?

რაც შეეხება ბავშვებს, ისინი სტრესში ისედაც არიან, რადგან მშობლები შორდებიან ერთმანეთს, რასაც ძალიან განიცდიან, ამას კი ემატება ის, რომ ორმა ზრდასრულმა ადამიანმა ვერ შეძლო წივილ-კივილის გარეშე განქორწინება...

რა შუაში არიან ბავშვები?
რატომ უნდა დაენგრეთ მათ ფსიქიკა არაადეკვატური დედის გამო, რომელიც საერთოდ არ ფიქრობს მათ მდგომარეობაზე?

შვილებისთვის იმის თქმა, რომ მამა ცუდი კაცია და ისინი არ უყვარს, ყოველგვარ ლოგიკასაა მოკლებული.

როდესაც ადამიანი ასე იქცევა, ვერც კი ვხვდები რეალურად, რა შეიძლება ვუსურვო, რადგან, ვფიქრობ, ვერასოდეს ისწავლის და ვერ მიხვდება რა არის ცუდი და კარგი მისი შვილებისთვის და არა მხოლოდ... მაგრამ მაინც, თუ ის ან რომელიმე სხვა ყოფილი ცოლი, რომელიც ასე იქცევა, ამ ბლოგს წაიკითხავს, იქნებ მიხვდეს, რომ შვილების დაცვა მისი უპირველესი ვალდებულებაა და როგორი ცუდიც არ უნდა იყოს მისი ყოფილი ქმარი, როგორც მეუღლე, ეს არ ნიშნავს, რომ მამაც ასეთია. იცოდეთ, ბავშვების მასთან დაშორება, უბრალოდ, დანაშაულია. მოდით, ვეცადოთ შევინარჩუნოთ ადამიანობა და მხოლოდ ჩვენი სურვილების დაკმაყოფილებაზე არ ვიფიქროთ.

deda
06 ივნისი 2017 23:56
გაიხარეთ სიმართლისთვის რატომღაც ძალიან მომრავლდნენ ეგეთი აზროვნების გოგონები რომ შვილებით ვაჭრობენ და ის არ იციან რამხელა მოუშუშებელ ჭრილობას აყანებენ საკუთარ შვილებს მთელი ცხოვრება ტკივილად გაყვებათ და არასოდეს შეხორცდება . მე ბავშვობის ბედნიერებით ვცხოვრობ უბედნიერესი ბავშვობა მქონდა . ამით ვამაყობ .გაუფრთხილდით შვილების ნერვებს,პატარა გულებს, ისინი ხომ სიმართლეს ვერ იტყვიან ,
თემო
02 ივნისი 2017 18:02
ბავშვებსაც უნდა კითხონ ხოლმე აზრი სასამართლოზე და მარტო მშობლებმა არ უნდა გაიყონ ისინი საქონელივით.
Mari
02 ივნისი 2017 08:47
აქ არ უთქვამთ , რომ მამა გარე გარე დადიოდა , პირიით , ძალიან კარგი მამა იყო , ზოგოერთ ქალს ურჩევნია დედას აგინებდეს ქმარი , კარგ ქმარს ვერ იფერებს , თავზე მოაჯდება , და თუ ქმარს ეს ამოუვა და გაცილდება ლანძღავს და ბავშვებით მანიპულირებს , სამწუხაროდ არიან ასეთი პათოლოგიური დედები
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.

რუბრიკის სხვა სიახლეები
თქვენი აზრით, არსებობს თუ არა დღეს საქართველოში კორუფციის პრობლემა  ხელისუფლებაში?
თქვენი აზრი მნიშვნელოვანია!
თქვენი აზრით, არსებობს თუ არა დღეს საქართველოში კორუფციის პრობლემა ხელისუფლებაში?
გაზეთის სტატია. მიიღეთ წვდომა
გაზეთის სტატია. მიიღეთ წვდომა
გაზეთის სტატია. მიიღეთ წვდომა
ბლოგერები
თვის კითხვადი სტატიები