ლავანდა - ყველა დროის ექიმი - კვირის პალიტრა

ლავანდა - ყველა დროის ექიმი

უძველესი დროიდან ლავანდა ითვლება უნივერსალურ სამკურნალო მცენარედ. არაბული მედიცინა მას იყენებდა ამოსახველებლად, სპაზმების მოსახსნელად, ხოლო ევროპაში ჭრილობების შესახორცებლად.

ლავანდის ზეთი შეიცავს დაახლოებით 200-მდე ბიოლოგიურად აქტიურ ნივთიერებას, მათ შორის ციტრალს, ბორეოლს, ლინალოოლს და რთულ ეთერებს. ლინალოოლის ძმრის ეთერი - ლანალილაცეტატი - ნერვული სისტემის ნამდვილი ბალზამია. ხსნის აღგზნებულობას, დადებითად მოქმედებს გონებრივ შესაძლებლობებსა და ემოციურ სფეროზე.

ბრონქიტის დროს: - ვიდრე ექიმი დაგინიშნავთ მკურნალობას, შეგიძლიათ გაიუმჯობესოთ მდგომარეობა: თითო წილი ლავანდის, ჩაის ხისა და ბეგქონდარას, ორი წილი ბაღის პიტნის ზეთის ნარევი დილა-საღამოს წაისვით მკერდსა და ზურგზე და თბილად შეიკარით.

გადაღლილობის დროს 50გ ლავანდის ყვავილს დაასხით 1ლ წყალი. მიიყვანეთ დუღილამდე, გადმოდგით ცეცხლიდან და 8 წუთს გააჩერეთ, გაწურეთ, დაამატეთ აბაზანაში 38 გრადუს ცელსიუსზე გამთბარ წყალს და ჩაწექით 15-20 წუთი.

ხველების დროს: - 2 წვეთი ლავანდის ზეთი დაამატეთ 1 ჩ/კ თაფლს და მიიღეთ.

კუჭ-ნაწლავის სპაზმებისა და ჭვალის დროს: - 1 ჩ/კ ლავანდის ყვავილს დაასხით 1 ჩ/ჭ მდუღარე წყალი. 5 წუთის შემდეგ გაწურეთ და მიიღეთ დღეში 1-2 ფინჯანი ნაყენი.

გაღიზიანების, ნერვული დაძაბულობისა და სტრესის დროს ლავანდის ზეთის 3 წვეთი დაამატეთ თბილ წყალს, დაასველეთ ბამბის ქსოვილი, დაიფინეთ სახეზე და გაიჩერეთ 5 წუთი.

აკნეს დროს: - 10 წვეთ ლავანდის ზეთს დაამატეთ წყალი, ამ ხსნარში დაასველეთ მარლის ნაჭერი და 10 წუთით დაიფინეთ სახეზე.

დაიხომეთ! ამ სურნელოვანი ყვავილით მკურნალობის დაწყებამდე, ჩაიტარეთ ტესტი ალერგიაზე: ლავანდის წვეთი წაისვით კანზე იდაყვთან და თუ კანი არ გაწითლდა, შეგიძლიათ, თამამად იმკურნალოთ ამ რეცეპტებით.