ჩირი რა ხილია?..
ჩირი ახალ ხილზე მეტ სასარგებლო ნივთიერებებს შეიცავს.
A ვიტამინითა და კალიუმით მდიდარი გარგარის, ჭერმის ჩირი რგებს გულითა და თირკმლებით დაავადებულებს და ხელს უწყობს სისხლში ჰემოგლობინის მომატებას. 5 ცალი გარგარი შეიცავს რკინისა და კალციუმის დღიურ ნორმას. B5 ვიტამინი კი ხელს უწყობს ორგანიზმში ცხიმის წვას, აფერხებს წონაში მომატებას და ამაღლებს იმუნიტეტს.
შავი ქლიავის ჩირი მდიდარია A ვიტამინითა და B ჯგუფის ვიტამინებით, კალიუმით, კალციუმით, მაგნიუმით, თუთიითა და იოდით. ის აწესრიგებს კუჭ-ნაწლავის მოქმედებას, ამაგრებს სისხლძარღვებს, საუკეთესო ანტიდეპრესანტია, მდიდარია ანტიოქსიდანტებით.
შავი ყურძნის ჩამიჩი და ქიშმიში უფრო სასარგებლოა, ვიდრე თეთრისა. ქიშმიში და ჩამიჩი უხვად შეიცავს კალიუმს, ამიტომ სასარგებლოა გულ-სისხლძარღვთა და ნერვიული დაავადებების სამკურნალოდ. ხსნის სტრესს, შველის ოსტეოპოროზს. ჩამიჩი მდიდარია ბორით.
ფინიკი შეიცავს ყველა ვიტამინს, გარდა E ვიტამინისა და ბიოტინისა. ბევრია მასში B5 ვიტამინი, რომელიც ამაღლებს ორგანიზმის სასიცოცხლო ტონუსს. ფინიკი შეიცავს ასპირინის ანალოგიურ ნივთიერებას, საუკეთესო სიცხის დამწევია, ამდიდრებს ორგანიზმს კალიუმით.