დავიოკოთ მადა
დავიოკოთ მადა
უზომოდ ჭამის სურვილი - დაავადების დასაწყისია. მას მოთმინებითა და დიდი მონდომებით უნდა ვებრძოლოთ, დავიცვათ ექიმი-დიეტოლოგების რჩევები:


ჭამის შემდეგ დიდხანს ნუ იჯდებით მაგიდასთან. დანაყრებას იგრძნობთ ჭამიდან 20 წუთის ან მცირე ხნით ჰაერზე გასეირნების შემდეგ;

არასოდეს ჭამოთ ფეხზე მდგარმა - ამ დროს ბევრად მეტს შეჭამთ. თავი აარიდეთ ყოველგვარ, განსაკუთრებით, ხანმოკლე დიეტებს, რადგან დიეტის შემდეგ მაინც აღიდგენთ დაკარგულ წონას;

აუცილებლად ისაუზმეთ, რადგან ის ხელს უწყობს ცხიმების წვას;

საუზმეზე აუცილებლად მიირთვით მარცვლეულის: შვრიის, ხორბლისა
და ჭვავის ღივი. B ვიტამინი, რომლითაც მდიდარია მარცვლეული, ხელს უშლის შინაგან ორგანოებში ცხიმის დაგროვებასა და ორგანიზმში სითხის შეკავებას;

შვრიის ფანტელი სწრაფად ანაყრებს ორგანიზმს და ეხმარება გახდომაში. მას ნელა ამუშვებს კუჭი და დიდხანს ვერ გრძნობთ
შიმშილს;

მაძღრად ჭამის მოყვარულები სამჯერადიდან ხუთჯერად კვებაზე უნდა გადახვიდეთ. როგორც კი შიმშილს იგრძნობთ, ჭამეთ ვაშლი, დალიეთ ერთი ჭიქა მაწონი, კეფირი ან იოგურტი - ისინი აქრობენ შიმშილის გრძნობას. ვაშლის რბილობთან ერთად შეჭამეთ კურკებიც - შეიცავს იოდის დღეღამურ ნორმას;

ყოველთვის უნდა იქონიოთ რამდენიმე ვაშლი, კომბოსტოს ფოთლები, სტაფილო. დაღეჭეთ ნელა და კარგად - მაშინ ჭამის დროს ნაკლებს შეჭამთ;

დალიეთ 1/2 ჩ/ჭ ნედლი ოხრახუშის ნახარში და ჭამა ორი საათით დაგავიწყდებათ. ასევე მოქმედებს პიტნის ნაყენი;

მადას ადვილად "მოატყუებთ" ლეღვისა და ქლიავის ნაყენით. 0,5 კგ ნაყოფს დაასხით 3 ლ წყალი, ხარშეთ მანამ, სანამ წყალი არ დაიკლებს 2,5 ლ-მდე. ჭამამდე მიირთვით ხილი და ნახარში დააყოლეთ;

შეგიძლიათ მიირთვათ ცოტა ყველიანი ან ბოსტნეულიანი მაკარონი;

ბოსტნეულის დღეღამური ნორმაა 300 გ (ნედლი, მოხარშული, ჩაშუშული);

შიმშილის გრძნობას ამცირებს ჭამამდე 1 ჩ/ჭ პომიდვრის წვენი ან მინერალური უგაზო წყალი;

სალათებს დაამატეთ მცენარეული ზეთი ან ახალი კეფირი;
ხშირად მიირთვით უცხიმო წვნიანი;

ვახშმად, დაძინებამდე 2 საათით ადრე, მიიღეთ ბოსტნეული ხორცთან ერთად;

მადის მტერია ნიორი. დაჭყლეტილ 3 კბილ ნიორს დაასხით 1 ჩ/ჭ ოთახის ტემპერატურის წყალი. ერთი დღე-ღამის შემდეგ სვით თითო ს/კ ძილის წინ, ან გადაყლაპეთ 1 კბილი ნიორი. ის კლავს დაავადებების გამომწვევ ბაქტერიებს და თან "ათვინიერებს" მადას;

ყოველდღე, დილაობით, დადექით ღია ფანჯარასთან, ფეხები გადგით მხრების სიგანეზე, ხელები დაიწყვეთ თავზე და 10-ჯერ ძალიან ღრმად ჩაისუნთქეთ;

უზმოზე დალიეთ ოთახის ტემპერატურის ღამენათევი წყალი, რომელშიც ოქროს ან ვერცხლის კოვზი იდება.
თუ ამ რჩევებს გაითვალისწინებთ, 2 თვე სრულიად საკმარისია იმისთვის, რომ თქვენი ორგანიზმი შემცირებული ულუფებით დაკმაყოფილდეს.
მკითხველის კომენტარი (0)
კომენტარი ჯერ არ გაკეთებულა.
იყავი პირველი!
გააკეთე კომენტარი

კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

რეგისტრაციისა და ავტორიზაციის გავლის შემდეგ აღარ მოგიწევთ დაცვის კოდისა და სხვა ინფორმაციის მითითება!

თქვენი კომენტარები გამოქვეყნდება ყოველდღე 11.00-დან 19.00 საათამდე, გამოგზავნიდან 30 წუთის განმავლობაში.

19.00 საათის შემდეგ მიღებული კომენტარები დაიდება მეორე დღეს.

P.S. ვრცელი კომენტარის გაკეთებისას ეცადეთ, ჩაეტიოთ 4 წუთში, ან დააკოპიროთ სხვა პროგრამაში აკრეფილი ტექსტი.

თქვენი აზრით, როგორი პრეზიდენტი იქნება სალომე ზურაბიშვილი?
თქვენი აზრი მნიშვნელოვანია!
თქვენი აზრით, როგორი პრეზიდენტი იქნება სალომე ზურაბიშვილი?
დღის კითხვადი სტატიები
ბლოგერები
თვის კითხვადი სტატიები