სალბი - მკურნალი
01-09-2014
სალბი - მკურნალი
ხალხურ მედიცინაში სალბის ფოთლებს ფართოდ იყენებენ სამკურნალოდ. მას შეუძლია ბაქტერიოციდული, ანთების საწინააღმდეგო, სისხლდენის შემაჩერებელი, ამოსახველებელი, დამამშვიდებელი მოქმედება.
გთავაზობთ რეცეპტებს:

გაცივების დროს - 1 ჩ/კ სალბის დაქუცმაცებულ ფოთლებს დაასხით 0,5 ლ მდუღარე წყალი, მიიყვანეთ დუღილამდე, გადმოდგით ქურიდან და 30 წუთი გააჩერეთ. გაწურეთ და მიიღეთ 1/2 ჭ თბილი ნაყენი დღეში 3-4-ჯერ, ჭამამდე.
ბრონქიტისა და პნევმონიის დროს (ექიმის დანიშნულ წამლებთან ერთად) - 1 ს/კ სალბის დაქუცმაცებულ ფოთლებს დაასხით 1 ჩ/ჭ რძე. მიიყვანეთ დუღილამდე,
გადმოდგით, გააჩერეთ 10 წუთი და გაწურეთ. ცხელი ნაყენი მიიღეთ ძილის წინ. კურსი 10-14 დღეა.

გასტრიტისა (დაბალი მჟავიანობით) და მეტეორიზმის დროს - 2 ს/კ სალბის დაქუცმაცებულ ფოთლებს დაასხით 1 ჩ/ჭ მდუღარე წყალი, 1 საათი გააჩერეთ, გაწურეთ და მიიღეთ 2-2 ს/კ ნაყენი დღეში 3-ჯერ, ჭამამდე 15-20 წუთით
ადრე, კურსი - 10-14 დღეა.

პარადონტოზის, სტომატიტის, გინგივიტის, ანგინის, ლარინგიტისა და ფარინგიტის დროს (ექიმის დანიშნულ წამლებთან ერთად) - 1 ჩ/კ სალბის დაქუცმაცებულ ფოთლებს დაასხით 1 ჩ/ჭ მდუღარე წყალი. 30 წუთი გააჩერეთ და გაწურეთ. დღეში 3-4-ჯერ თბილი ნაყენი გამოივლეთ პირის ღრუში ან ყელში.
კლიმაქსისა და ძლიერი სისხლდენის დროს - 1 ს/კ სალბის დაქუცმაცებულ ფოთლებს დაასხით 1 ჩ/ჭ მდუღარე წყალი. მიიყვანეთ დუღილამდე, 2 საათი გააჩერეთ და გაწურეთ. მიიღეთ 1/4 ჩ/ჭ დღეში 4-ჯერ, ჭამამდე 30 წუთით ადრე.
მკითხველის კომენტარი (0)
კომენტარი ჯერ არ გაკეთებულა.
იყავი პირველი!

რედაქტორის რჩევით
თქვენი აზრით, უნდა იყოს თუ არა პრეზიდენტი უშიშროების საბჭოს შემადგენლობაში?
თქვენი აზრი მნიშვნელოვანია!
თქვენი აზრით, უნდა იყოს თუ არა პრეზიდენტი უშიშროების საბჭოს შემადგენლობაში?