ეს ყველა დედამ უნდა იცოდეს
09-11-2015
ეს ყველა დედამ უნდა იცოდეს
დღეს ბავშვის გაზრდა პამპერსის გარეშე წარმოუდგენელია. სწორედ ერთჯერადი საფენების წყალობითაა, რომ დედებს ღამეების თენება და დღედაღამ რეცხვა-უთოობა არ უწევთ.

საბავშვო საფენებმა დედა დიდი შრომისგან გაათავისუფლა, თუმცა კომფორტს ნაკლოვანებებიც ახლავს.

ბოლო დროს ხშირად გამოთქვამენ საფენების მიმართ უნდობლობას. მის მავნებლობაზე განსაკუთრებით ბიჭების დედები წუხან - ამბობენ, რომ საფენისგან გამოწვეული სათბურის ეფექტი ვაჟებში სასქესო ფუნქციების მოშლას იწვევს.­ ამ მოსაზრებას, მომხრეების გარდა, მოწინააღმდეგეც ბევრი ჰყავს. ასე რომ, ეს შიში ჯერჯერობით არგუმენტირებულ საფუძველს მოკლებული ჩანს.
სამაგიეროდ, ზუსტი მონაცემები არსებობს, თუ რა შემადგენლობისაა საფენები და რა ნივთიერებებთან უწევს მუდმივი შეხება თქვენს პატარას.

ცნობილია, რომ ერთი ცალი საფენის ბოლო ფენის დასამზადებლად, უხეში გათვლებით, საჭიროა ერთი ჭიქა ნავთობი. მომდევნო ფენა ქლორით დამუშავებული ცელულოზაა, რომელშიც სუპერმშთანთქმელი ფხვნილია მოთავსებული. რაც შეეხება ძირითად ფენას, რომელიც ბავშვის
კანის სიმშრალეს უზრუნველყოფს, მისი შემადგენლობა ასეთია:

1. Sodium Polyacrylate Crystals - გამჭვირვალე გელი-აბსორბენტი, რომელიც სითხეს იწოვს. ეს ტოქსიკური პოლიმერია, რომელიც ხშირად იწვევს ალერგიულ რეაქციებს. სხვათა შორის, მისი გამოყენება 80-იან წლებში ქალის ჰიგიენურ საფენებში აკრძალეს. ბავშვზე მისი ზემოქმედება კი საგანგებო კვლევის საგანი არ გამხდარა.
2. პლასტიკატის მემბრანა იდეალურ პირობებს ქმნის ანაერობული ბაქტერიების გასამრავლებლად.
3. Dioxins - ერთ-ერთი საშიში ტოქსინი. დიოქსინთან სისტემატური კონტაქტი ბევრი რისკის წინაშე აყენებს ორგანიზმს.
4. Xylene, ethylbenzene - საფენებში ლაბორატორიული კვლევის შედეგად აღმოაჩინეს. ახასიათებს ნეიროტოქსიკური ზემოქმედება და დიდ ზიანს აყენებს ეკოსისტემას.
5. შტყრენე - კანცეროგენი. ტოქსიკურია სასუნთქი გზებისთვის.
6. TBT - აფერხებს სასქესო ჰორმონების გამოყოფას. ბავშვი, რომელსაც დღეში 5 პამპერსს აცმევენ, ამ ნივთიერებას 3,6-ჯერ მეტი დოზით იღებს, ვიდრე დაშვებულია აშშ-ში.
მოკლედ, ქიმიური ფორმულების გარეშეც ცხადია, რომ "სუპერშესაძლებლობების" მქონე შიგთავსი ბევრ გაუგებარ და შეუსწავლელ ნივთიერებას შეიცავს. თუმცა ვერც ერთი დედა პამპერსებზე უარს ვერ იტყვის.

როგორ მოვიქცეთ?
მხოლოდ ერთჯერადი პამპერსებით ნუ შემოიფარგლებით. მოიკითხეთ მრავალჯერადი საფენებიც და სცადეთ გადახვევის მეთოდი. ეცადეთ, დღის გარკვეული მონაკვეთი ბავშვმა ან საფენის გარეშე, ან მრავალჯერად საფენში გაატაროს. როცა ამის შესაძლებლობაა, ატარეთ ბავშვი უსაფენოდ. განსაკუთრებით ზაფხულში. ხშირად შენიშნავთ, რომ პაპანაქება სიცხეში ბავშვები საათობით "იხარშებიან" საფენებში.

რამდენ ხანში უნდა გამოვუცვალოთ
3 თვემდე ასაკის ბავშვს 3 საათში ერთხელ უნდა გამოუცვალოთ საფენი. თუმცა ეს ღამეს არ ეხება - გამოსაცვლელად ბავშვის გაღვიძება საჭირო არ არის. შეცვლის შუალედებში 10-20 წუთით ბავშვი გაანიავეთ.
3-დან 6 თვემდე 4-5 საათში ერთხელ გამოუცვალეთ, უფრო დიდს კი საჭიროების მიხედვით. თუმცა 6 საათზე მეტ­ხანს დღისით საფენი არ გაუჩეროთ.

გაითვალისწინეთ:
ის, რომ საფენების შეძენა თქვენთვის პრობლემას არ წარმოადგენს, იმას არ ნიშნავს, რომ მისი "გადაგდება" არ იჩქაროთ. როგორც კი ცივ სეზონს"გადააგორებს, პირველივე წელს იფიქრეთ საფენის გადაჩვევაზე, ყოველ შემთხვევაში, დღისით მაინც. ბავშვი რაც უფრო ადრე დაიწყებს შარდდენისა და დეფეკაციის გაკონტროლებას, მით უკეთესია მისი გამომყოფი სისტემისთვის.
truker
13 ნოემბერი 2015 18:41
მსგავსი ამბებით ტვინები აგვიმყრალეს ოდითგანვე.იყო მობილურებზე საუბარი.კომსერვენზე.კარაქზე.და ვინ ოცის კიდე რაზე.საქართველოში კი მართალია ბევრი უვარგისი რამეები შემოაქვთმმიზეზი ოს არის რომ გარედ ცოტა გადაიხადო და მერე შინ დიდი მოგება ნახოს.ეს დაავადებაა და ამას სახელმწიფოც ხელს უწყობს.მაგრამ ეს რაც აქ წერია არ შეიძლება ყველა პამპერსზე ითქვას.ან სხვა რამეზე.რატომ ? იმიტომ რომ თუ ეს ნორმალური ცნობილი ფირმისაა.იქ იმ ფირმაში სანამ ამ პროფუქტს გამოუშვებენ მანამ უამრავ გამოცდებს გადის .თან დიდი ხნის განმავლობაში.და თუ რამე უკუჩვენება ან ალერგია ან რამე დაფიქსირდება იმ პროდუქტს კონვეიერიდან აქრობენ. თუმცა რა თქმა უნდა ეს პამპერსები ისევე როგორც სხვა უამრავი პროდუქტები შეიცავს არა ბუნებრივ ელემენტებს.რომლებიც ცალკე ბუნენაში მომწამვლელიც არის.მაგრამ გარწმუმებთ ნორმალური და ცნობადი საწარმოს მიერ გამოშვებული პამპერსები არ მოწამლავს არც ერთ ბავშვს .


რედაქტორის რჩევით